مرثيات في الشيخ / حمدان بن خلف بن عامر الدلبحي العتيبي

[حمدان العامر]

بسســـم ـآللــــه ـآلرحمـــــن ـآلرحيـــم

هذي عدة مرثيات في الششيخ / حمدان بن خلف بن عامر الدلبحــي العـتــــيبي

ـآلله يرحمــه ويغمـــد روحه في الجنـــة

ـآلشـآعر/عـآدل محمد بن جريدي الدلبحي

احس الله عزاكم يا مناحي حمود
احسن الله عزاكم واحسن الله عزاي
في فقيد القبيلة لو نبيح السدود
ما يرده بكاك ولا يرده بكاي
لو تطيب الخواطر ما تطيب الكبود
خنجرن في حشاك وخنجرن في حشاي
والله ان القبيله طاح منها عمود
والله إنا فقدنا شيخ عرفن ورأي

ـآلشاعر/ فايح بن خاتم الدلبحي

لو البكا يفيد بكيت حمدان
لين اروي الكبد الحزينة من الدمع
يشهد علي الله في كل الازمان
ماقول شين يا خلف ما بطبع
وهاذا وانا مسلم وميقن بالايمان
وما قدر الوالي طبع يا خلف طبع
وعزاي فاهل الدين واطوال الايمان
ادعي لهم وادعي لفسي مع الربع
ويالله يا منزل من الغيث ودان
تسقي مقابرهم سبع من ورى سبع

ـآلشـآعر/ مناحي حمود خلف الدلبحي

يالله تعوضنا ابخيرن على خير
مادام شفنا فالزمان العجايب
نقنع بما يكتب ولي المقادير
ونصبر على جور الدهر والمصايب
مصايب من كل فوج طوابير
حطت عليه زود نار ولهايب
لهايب في جوف قلبي مناحير
ايقنت منها الوقت ماهوب طايب
(وقتن تغير فيه حتى المعاصير)
والعج زاد وزاد حزن القرايب
الموت مايرحم ولابه معاذير
كم مات من شيخ عطيب الضرايب
نحزن ونبكي ونتالم وش ايصير
الكون ذا ممشاه ليه الغرايب
عز الله اني فالرجل تايه السير
من يوم راح اللي يسد النوايب
ابكيه ويبكونه رجال مناعير
وكلن يبا يبكي لفرقى الحبايب
مرحوم ياللي لك مع الناس تقدير
يامروض عسر الامور الصعايب
ومرحوم ياللي ماقفك ماقفن غير
يامن على الطالات سقت الركايب
الله وانا ساله ليا خيل اعصير
مزن(ن) من المنشا تسوقه هبايب
يسقيك ياقبر ابيض الوجه بالخير
وفي كل وسم اتهل فوقك سحايب
ويالله ياعالم وش ايكون ويصير
تجبر عزى قلبن من الحزن ذايب

ـآلشـآعر/ سلطان بن صقر الدلبحي

الموت حق وكلنا له مصادير _ ماهوب باقي غير راع الوهايب
مير إن بعض الناس موته تباشير _ راع الردا مطيب عليه النصايب
هذاك لامبكي ولا معينن خير _ ولانايحاته ماشطات الذوايب
اما القروم الصامدين المشاهير _ هم الي موتتهم عذاب وغلايب
مثل الي صيته معتلن قمة النير _ الشامخ الي يرتكي للنوايب
يبكيه من ضامه صدوف المقادير _ ويبكيه من حيله من الفقر عايب
ويبكيه صيوانا" يعز المسايير _ صيوان ضيفانه حشود وكتايب
وتبكي خطاون للمساجد مصادير _ تنشد علامه عنهن اليوم غايب
ماهوب ابوي ومير موته تعاسير _ وفقده من اكبر ماجرا من مصايب
يكفي إن صيته رفرف لطيبه الطير _ ويكفيه مبكن اقرباء وغرايب
ماقول انا شفته ولاصارلي امجير _ مير إن صيته هبتبه الهبايب
لا ياكثر حزن الوجيه المسافير _ ولاياكثر ماسال له من سكايب
ويلاه ليت الموت لاجا بتخيير _ ونقول تكفي ذا مماته غلايب
مير إن ذا حكم الولي والمقادير _ نجزع وحكم الله مقدر وصايب
وشهر اربعه لاعدت يامغيب الخير _ حمدان فكاك العقد والنشايب
وعسى الجنان الي محفوفه بأزاهير _ تكتب لمنهو عن محبيه غايب !

[الحميدي العتيبي]

الله يسكنه فسيح جناته ويرحمه واموات المسلمين...ولا هنت ياحمدان

[نواف زاحم الدلبحي]

الله يرحمه ويسكنه الجنه