تحلل وينك يـ شمرخ بن عايد

[سلمان بن سالم]

السلام عليكم ورحمة الله وبركاته


الاخ شمرخ بن عايد


بما انك تصنف نفسك من اشهر محللي المحاورات

ولا يخلوا هذا التحليل من الانعطاف نحوا الشاعر المفضل

هذي محاورة رائعة بين شايع العيافي وابن شايق

اريد منك ان تكشف لنا المعني

وان تحللها بكل تأني حذر







شايع العيافي:

مساء الخير يادار ربعاً تحاما
على الطيب مثل الورود الحياما
هل العز الاول وياما وياما

لو ان ابن شايق فضى ربعي ساعة :::: عطيتة من الحق ولا عطاني

الايوم قالوا وزير الصناعة :::: تذكرت عشر وبكيت الثماني

ابن شايق :

اشوف العيافي علومة خطيرة
يوصي على الناس في كل ديرة
ولاجاب لو كان حبة شعيرة

انا مابعد قلت سمعاً وطاعة :::: للاجناب الا بحفل قحطاني

وش رايك تعلم وزير الزراعة :::: قبل طلعتك ياسهيل اليماني

شايع العيافي :

صباح وهجادي وهجاد وصباحي
وراحت مراويح طير الفلاحي
وهذا مشقى وذاك استراحي

سرا مركب الشام يكفخ شراعة :::: ومرساة بين بكل المواني

يقولون بين والوصل والقطاعة :::: وانا اقول ياربي المستعاني


ابن شايق :

انا وانت نبغي علوما قديمة
عسى نيتك يالعيافي سليمة
وسرج الفرس مايجي فوق ريمة

سرح مركب الهند لاهل المجاعة :::: وغيرك ومرني وربي نهاني

يقولون ماشيف للبحر قاعة :::: وانا اقول قصة تبي ترجماني


شايع العيافي:

الا وحيات الشقى والغبينة
تروح رخيصة لو انها ثمينة
غريبة على الناس تنزل سكينة

ليا صار عركة وهوش وفراعة :::: هذاك الجدي ياسهيل اليماني

طبعنا وهذي حروف الطباعة :::: على جرحي اللي صفا من زماني

ابن شايق :

انا مدري وش تبينا نسوي
وحبل المطية رسن ومتلوي
ليا شبت النار شبيت ضوي

ليا دارت الحرب شفت الشجاعة :::: وميزت الاربد طويل الاذاني

على ايديك وابشر بحفظ الوداعة :::: تمنى لاكن ماتفيد التماني

شايع العيافي :

ابيك تعدلها مع الدرب الاول
عسى صاحبك من ظهرها يحول
على شأن اجر اللواحن وامول

اخاف انها تبتلش بالرعاعة :::: ويصبح ويمسي سوات السواني

الا ياخبر عبر صوت الاذاعة :::: بكيت الليالي وحظي بكاني

ابن شايق:

تبيني تبيني وابيكم وابيكم
ماهي في يدي ولا في يديكم
عسى الوقت لابعكم يشتريكم

توقع توقع يازين الوقاعة :::: اخاف انك تجيب عيد رمضاني

[مساعد المطيري]

اول مشاركه لك وجاي تطلب شمروخ يحلل لك محاوره

طيب ليه تعبت نفسك وسجلت بأسم جديد ادخل بأسمك الصريح يالغالي




شمروووووخ

اشكل

[محمد العبيدي]

هذي محاورة الشنب ويعجزون الشعاااااااااااااار في تحليلها

بعدين أحفظ لسانك ياالمطيري ولاحد طلب منك تحلل

مشكور ياسلمان ونتمنى تتحفنا بمحاورات الجنرااااااااااااااااااااااال

[شمروخ ابن عايد]

المعنى واضح جداً .


العيافي يتذكر مآثر ماضي قبيلته وقبائل البدو بشكل عام , وأن الوقت الحاضر اصبح للمسؤلين واهل المناصب , وان أهل الفعول القديمة لم ينصفهم هذا الزمن (( هل العز الاول وياما وياما )) زمنهم الماضي , (( صباح وهجادي وهجاد وصباحي
وراحت مراويح طير الفلاحي
وهذا مشقى وذاك استراحي )) .




(( الايوم قالوا وزير الصناعة :::: تذكرت عشر وبكيت الثماني )) هذا الزمن زمن اهل المناصب الوزراء والمسؤلين , وأتذكر مآثر الزمن الماضي (( تذكرت عشر وبكيت الثماني )) العشر سابقاً وأن اليد الطولى للقبائل , والثمان اليوم والذي اخذ العشر هذا الزمن خاشقجي وطقته .






ويريد العيافي بعد ان سأله ابن شايق وش تريد بالضبط , قال العيافي أريد ان نعيد مجدنا الأول وأن قبائل البدو يستحقون اكثر من وضعهم الحالي ففحاضرنا يجب أن يكون كتاريخنا العظيم , فقال العيافي :


ابيك تعدلها مع الدرب الاول
عسى صاحبك من ظهرها مايحول
على شأن اجر اللواحن وامول










والسلام .

آخر تعديل شمروخ ابن عايد يوم 31-Mar-2010 في 06:57 AM.

[الجوراسي]

كل محلل مجتهد

وشمروخ ماقصر

[العقص]

كثر الله خيرك يا شمروخ


مع اني ما كان ودي تعطي هالاشكال وجه

[عاشق حسناء]

وين ابوفايح

[ابوتيجان]

ماقصرت ياسلمان عرفت تنتقي المحاورة والمحلل

[شمروخ ابن عايد]

أخي سلمان رغم حساسية المعنى وكره الشعراء ربما لتحليل ما أرادوا أو توضيح معناهم من الناس , لكن لأنك تحديت ولن أتنازل عن مثل هذه المشاركة التي دخلت لأجلها بمسمى ثاني وليتك تعرفني على شخصيتك الحقيقية , .......................................


ومن سأت طويته اصبح ينظر بعين الريبة للناس وكأن فهمي لما في المحاورات من معاني وليد هذه اللحظة .

[مصر]

إن كان صاحب المشاركة الأصلية فعلا دخل باسم آخر فهذا نوع من الالتفاف الساذج ، ولا داعي له ، وشمروخ بن عايد رغم أنني اختلفت معه في مواضع عديدة بسبب بعض الآراء المبنية على إطار نظري خاطئ إلا أنني أثق تماما أنه من أفضل الأسماء في المنتدى وعيًا وأكثرها جودة في الطرح .

عتبي موجه لكل من يمارس محاولات الالتفاف هذه ، وعتبي أيضا لمن يقحم نفسه أو غيره في الموضوع بدون داعٍ مثل محمد العبيدي الذي حوّل الموضوع إلى شيء من التحدي وتمجيد ابن شايق ، ابن شايق غني عن هذا ، وبشر يخطئ ويصيب ، وهو أول الرافضين لمثل هذا ، ثم إن سياق الموضوع يأتي في إطار تحليل معنى المحاورة التي بدأها ورسم معناها العيافي وليس ابن شايق .


شكرا لكم جميعا ، وعذرا لمن أخطأت بحقه .