في رحلة الايام ذقت الغرابيل=والحزن والضيقه ودمع يشافي
وللهم درب في رصيفه بهاذيل=وثوب الغبينة يكتسي به سنافي
وقت على الاوناس عده محاحيل=وكلن على ليلاه طاف الفيافي
ناس على اليمه وناس جهاهيل=احد مريض القلب واحد متعافي
والعمر يجري والمنايا محابيل=والادمي ماهو عن الموت خافي
يوم الفنا يكتب على الناس ترحيل=في مركبه عطشت نفوس ضعافي
سيفه مضى فوق المتون المثاقيل=وشفنا على دربه جموع تهافي
راحت مساكين وراحت مشاكيل=والكل منهم مايعود خلافي
واعطيت نفسي عن هوا النفس والميل=بضعة خصال في طرفها عفافي
حبل المودة والعلوم المجازيل=والركعة المثلى وصوم المقافي
زبدة سنين العمر مافيه تأويل=هذا النصيب اللي عليه الكفافي
وحتيش لو تظلم علينا المقابيل=قلبي على ردع المظاليم كافي
بالدين والطيبه تشع القناديل=وتوضي على جهل ظلامه لجى في
ولجل المشاعر تنحني للمواويل=وتطرب على العليا وجزل القوافي
ابدعت حرف في ضروب التماثيل=واسقيت من عذب المحيطات قافي
ماشاقني حرف هزاله مداليل=غير الحروف اللي نصلها رهافي
تمضي على روس القضايا معاديل=عليه حل مشربكات الخلافي
ماهو عذر لقالو الناس بالليل=للنوم سلطه في عيون اللحافي
النوم سلطان القلوب المهابيل=والا الرجل نومه من الوقت غافي
« آخـــر الـــمـــشـــاركــــات »
النوم سلطان.............؟
العرض العادي
