الجمل حمله موثّق دام لعتيبه بأسوقه .... الطاااااااااارف سدّاااااد

[نادر .. .. ..]

السلام عليكم ورحمة الله وبركاته ...

أول محاوره لنا في هذا المنتدى الرائع والله يجملنا على الطيب ...

يا سلام الله سلام(ن) طيب(ن) مبني بـ ساسه=عد نو(ن) حن رعده عقب ما لاحت بروقه
في عتيبه جيتكم والطيب له ربعه وناسه=والجمل حمله موثق دام لعتيبه بأسوقه

[علي الشهراني]

صح لساااانك يا ناااااااااااادر



استفسار بسيط انت عمااااد

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[نادر .. .. ..]

صح بدنك


أخي الشهراني

الله يحييك وشكلك غلطان بالنمره

[سعد حميد الثبيتي]

صح لسانك يـا نا در

[علي الشهراني]

ما فيه مشكللله


و نعم فيك يمكن تشاابه رموز

[جليدان السبيعي]

مرحبا ترحيب يامريوس عند اهل الرياسه= مار هات العلم يانادر ونسق له طروقه
جيت في عتيبه وخذ فنجال معبورن قياسه= و العصيب يجيك بعده بالحرام انك تذوقه

[خالد الثبيتي]

صح لسانك يا نادر

وصح لسانك يا جليدان

رائعييين


وفالكم التوفيق

واصلووا وحنا متابعين

[نادر .. .. ..]

المشاركة الأصلية كتبت بواسطة جليدان السبيعي

مرحبا ترحيب يامريوس عند اهل الرياسه= مار هات العلم يانادر ونسق له طروقه
جيت في عتيبه وخذ فنجال معبورن قياسه= و العصيب يجيك بعده بالحرام انك تذوقه

الله الله

البقا يا شاعر(ن) فالشعر متزايد حماسه=والنخل لازم يرّوى قبل ما تبدي عذوقه
يالسبيعي ثوبكم ماني مقصر لك لباسه=مير حاذر لا تطب النار وتزايد شقوقه

[نادر .. .. ..]

سعد بن حميدان
صح بدنك وشاكر لك مرووورك الكريم


الشهراني
حياك ربي وأبرك الساعات مرورك


ابن منور
صح بدنك ولا هنتم على المتابعه

آخر تعديل نادر .. .. .. يوم 08-Mar-2010 في 08:21 PM.

[جليدان السبيعي]

هون الصوت وتريض لاتكثر فالحساسه= ماش واحد طب سوق ياولد ماهو بسوقه
ثوبنا محشوم عن لمسة لماميس اللماسه= مار يانادر ثويبك ليش ماترقع فتوقه