تشجيع الأندية

[بندر المرشدي]

السلام عليكم ورحمة الله وبركاته

تحية طيبة

يامشجعين النوادي فكروا فيها=وابغى نتيجة من التفكير علمية
الكورة اللي تفرقكم نواديها=هي لعبةٍ هادفة والا سياسية
الغرب لو جابها يفهم مغازيها=وفالشرق ما عندنا للوضع خلفية
انقلد اخطأ خطاويهم ونخطيها=وفعيوننا كل ما جابوه ما زيه
نسعى ورا الكورة ونخسر مساعيها=ونقول ياقمة الروح الرياضية
صرنا بالألوان نبغضها ونغليها=حتى غرقنا بتيار العصبية
وفي لحظة دكت الملعب ضواريها =كم دكت اخواننا غارات جوية
عيوننا مبصرة واللهو معميها=وادمينا باردة ماهي طبيعية
في هامش العالم الي ما نجاريها =نكذب على نفوسنا بامجاد وهمية
ننسج من خبالنا قصة ونرويها=ونعيش غيبوبة احلامٍ خرافية
نسبح بحور الترف ونغوص أمانيها=احرار لو شرقنا ما فيه حرية
على المنابر بلوناتٍ نعبيها=وعلى المقابر دموع الذل مكفية
متى نسمي مواقفنا باساميها=ونشمي بدرب السنع خطوات جدية
الغرب ينفخ لنا الجمرة ويركيها=وحنا نتبسم لها كية ورا كية
لو بعض الاحيان له فزعة نحييها=ماهيب لعيوننا لآبار نفطية
شمس العدالة سحاب الظلم غاطيها=ياللي تقول العدالة شمسها حية
هاذي فلسطين تبكينا ونبكيها=وعراقنا تشتعل به حرب عرقية
حتى ولو نعقد القمة وننهيها=الهرج روتين والأفعال سمعية
اوضاع الأمة عسى ربي يسويها=ماعاد فينا عمل لـــحلول جذرية

وسلامتكم ,,,

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[فهد رشيد الزلامي]

هاذي فلسطيـن تبكينـا ونبكيهـا
وعراقنا تشتعل به حـرب عرقيـة
حتى ولو نعقـد القمـة وننهيهـا
الهرج روتيـن والأفعـال سمعيـة


صـــــــــــــــح لــــســـــانــك
صـــــــــــــــح لــــســـــانــك
صـــــــــــــــح لــــســـــانــك

معالجه موضوعيه هادفه وواقعيه جدا .
تقبل تحياتي وإعجابي.

[محمد العتيبي]

بيض الله وجهك يابندر ..




هذا الكلام اللي يصحي من النوووم ..



ياليت هل الكوره يقرون هالكلام


صح الله لساااانك مدد ..

التوقيع

للتواصل عبر twitter تويتر al_bargawy@

[مرزوق حمدان العتيبي]

..

.

نسعى ورا الكـورة ونخسـر مساعيهـا
ونــقــول يـاقــمــة الـــــروح الـريـاضـيــة
صـرنــا بـالألــوان نبـغـضـهـا ونغـلـيـهـا
حـــتـــى غــرقــنـــا بــتــيـــار الـعـصـبــيــة


الله يابو سلطان مليون صح لسانكـــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد النخيش]

ابو سلطان


صخ لسانك عدد مشجعين النوادي


ابدعت الله لايهينك



خالص الود والتقدير

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[معلا إبراهيم الأسعدي]

نسبح بحور الترف ونغوص أمانيها
احرار لو شرقنا مـا فيـه حريـة



الله درك صح السانك قصيده تحاكي واقعنا شكرا ً لك

التوقيع

[علي فلاح العضياني]

أبو سلطان




صح لسانك عدد جمهور فريق النصر العالمي و عدد أهدافه و عدد لاعبيه على مرّ التاريخ






و الله ينصر الاسلام و المسلمين


في كل أرض و تحت كل سماء

التوقيع

(( رأس الحكمه مخافة الله ))

[أسير القوافي]

صح لسانك أخوي ،، بنـدر ،،





وبيَض الله وجهك ،، أشهد إنَها وافقت لك وأنت كفوَ لها يالذيب ،،




وآفيه يالنشمي ،،




مروري وإعجابي!!

[فايز بن سرحان الثبيتي]

وفي لحظة دكت الملعب ضواريهـا
كم دكت اخواننـا غـارات جويـة
عيوننـا مبصـرة واللهو معميهـا
وادمينـا بـاردة ماهـي طبيعيـة


الله الله


سلم فكرك يابو سلطان "


احترامي للابداع "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أخو جوزا]

اقول صح لسانك يابوسلطان

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾