بعد الغياب جيناكم .. الطااارف سديد !!!!!!!!!!!

[الصميدع المقاطي]

يا سلام الله سلامن له الحمل الثقيل=والجمال الباركه ما تشيل احمولها
من يبا ييلعب معي قلت له خلك دليل=والعلوم الطيبه جيبها بأصولها

[سطام الشجعاني]

مرحبا ترحيب شاعر معه بنن وهيل = والدروب الكايد صولها ونجولها
شد حيلك يالمقاطي وراك الليل ليل = والعلوم الطيبه لك ترانا نقولها

[الصميدع المقاطي]

البقا يالي ترحب عدد وبل المخيل=والمعاني عندكم ظبطوا معدولها
رتبوا بجيوشكم واصقلوا حد الصقيل=واصدموا صلب العرب واذبحوا بزحولها

[محمد شبيب السبيعي]

صحت الالسن والقلوووووووووووووووب

[الصميدع المقاطي]

المشاركة الأصلية كتبت بواسطة محمد شبيب السبيعي

صحت الالسن والقلوووووووووووووووب

صح بدنك ويا هلا فيك

[سطام الشجعاني]

لاتهور يالمقاطي ترى دربك طويل = دامها بيني وبينك لقيت احلولها
فات وقتن فيه دمن وفارس فوق خيل = بعد ماجانا المؤسس وشال انزولها

[خـال ـد]

صح الله السنتكم والصف مقاطي ولايهون اخوي سطام

الليل يابدر

[سطام الشجعاني]

السبيعي صح الله قلبك




خالد لاهنت






ويينك يالمقاطي

[الصميدع المقاطي]

المقاطي عينه لفوق مره ما تميل=خايلن للسحب واشوق يم اهلولها
يا صحيبي قلي اليوم كم هوُ الحصيل=والمزارع يا عرب ماعرف محصولها

[سطام الشجعاني]

ياحليلك يالمقاطي حليلك ياحليل = ضيع الدعوى وتلخبط بعرض وطولها
قدمك البستان مليان بنواع النخيل = مير منته قادرن للنخيل اتطولها