غيـــمــة الحـــزن

[سيف ال راشد]

[font=Comic Sans MS

]السلام عليكم ورحمة الله وبركاته
اخواني جميع اعضاء و زوار الهيلا
يسرني ان اطرح بين ايديكم هذه القصيده المتواضعه والتي اتمنى ان تنال
استحسان ذائقتكم الشعريه,,,


((غــــيمــــــــة الحـــزن))





غيمة الحزن لاحـت جعلهـا ماتسيـل
كانها هانـت الليلـه تـراى انتصـرت


يامتاهات عمـري والطريـق الطويـل
كم تجرعت كاس الهم حتـى سكـرت


وش اسوي وحظي دايـم الـدوم ميـل
كل ماقلت ياحـظ استويـت انحـدرت


فاارع الطول..والله ما انت عابر سبيـل
في ضلوعي ترعرت ومشيت وكبـرت


لملميني تـرى ماعـاد بالحيـل حيـل
جيت كلي شموخ !!!وفي يديك انتثرت


ديرة الحسـن يـاذاك القـوام النحيـل
في حضورك مشاهير الحلا دون كـرت


اشهدني لقيت بروض وصلـك مقيـل
واشهد اني ليا مني خسرتـك خسـرت


حكم العقل!!خبري فيـك عقلـك ثقيـل
ليه مـن سالفتنـا الاولـه ماعتبـرت


((خنجر الغدر)) جاني من قريب وعميل
ليه!!يأقرب من انفاسي بقلبي كسـرت


ليه!!تغلق مساراتي عقب الـف ميـل
تحسبنّك جبرت الكسر.... لا ماجبـرت


آهة الحزن ,,وانفاس القهر...والعويل
قطّعت قلبي القاسي...وانا ما شعـرت


في صحاري الجفا.. رميت حتى الصميل
من طعون الليالي والقريـب انقهـرت


وانت كملتها مـن دون عـذر ودليـل
الله يسامحك!! حتى العذر ما اعتـذرت


جف ّ ساقي و صالك بين صبحٍ وليـل
وانت تدري ما هو ذنبي...ولاشك برت


لا تجاهل غرامـي والزمـان الجميـل
والله اني على عهد الغـلا مـا غـدرت



جدد الوصل والميثـاق ياغلـى نزيـل
ورجع الذاكره ياكـم عشانـك هجـرت


من وطن من قريب ومن حبيب وخليـل
وكم عشانك تحديت الصعاب وعبـرت


خلها!! اتسولف الاجيال جيـلٍ لجيـل
عن ثمان السنين اللي بقلبي انحفـرت


كان الاعذار ماجابت معـاك الحصيـل
الله يوفقك..وانـا بـجـوّي شـهـرت






اخوكم \سيـــف ال راشــد

[/font]

[سيف ال راشد]

اعتذر


اذا لم ترقى قصيدتي الي مستوى ذائقتكم