وصل العطياني و علي العضياني

[عبدالله الاصعر]

علي العضياني

هـلا يـا مرحبـا ترحيبـةٍ عنوانـهـا التقـديـر=نيابه عن جميع أهل المحاني و اسـر يـا سـاري
يا وصل تقول ( جده غير ) و أنا اقول ( مكه خير )=و لا عندك دليل و لا ضماني و اسـر يـا سـاري

وصل العطياني

يدوم إلك البقا يا شاعرٍ ما خانك التعبيـر=تقال إنّك تكلّم من لساني وإسر يا سـاري
أوافقك النظر في حالةٍ وحدة فقط لا غيـر=ليا عوّد زبن طول السناني واسر يا ساري

علي العضياني

ترى جساس ما ينعدّ فعله مـع فعـول الزيـر=ليامنّه ركب سرج الحصاني و اسر يا سـاري
متى ما صرت يا وصل العطياني ( سموّ أمير )=هذاك الوقت أعدّك من خواني و اسر يا ساري

وصل العطياني

اقلك ما تصير السالفة وانتـه تقـول تصيـر=ما باقي غير تجلس في مكاني واسر يا سااري
كسبت الموقع اللي ما أنت جايٍ فيـه لـو تطيـر=حرمك الله وانا ربي عطاني واسر يا سـاري

علي العضياني

كثير من الكواكـب فالمجـرّه مـا لهـا تاثيـر=بعكس . الجدي و سهيل اليماني و اسر يا ساري
زبون المركـز الأول يعـاف المركـز الاخيـر=و لا يرضيه فالترتيب ثاني و اسر يـا سـاري

وصل العطياني

أحد قدره جمل وتقول تعذرني على التقصير=واحد ما حقه الاّ الخيزراني واسر يا ساري
ليا منه مشى للمركز الأول لقـى التوديـر=مع البيبان يوخذ بالأذاني واسر يا سـاري

علي العضياني

ترى المخ المحجّر ما يمارس مهنة التفكير=يجيب العيد قدّام رمضاني و اسر يا ساري
منيف ليا لقى له مكرفون و كيمرة تصوير=تنقّد مع طويلين اليماني و اسر يا ساري

وصل العطياني

نعرف العالم المتعطلة عن موكب التطوير=تعاني قد ما تقدر تعاني واسر يـا سـاري
خسارة يوم يُهدى المسك للي ينفخون الكير=حمدت اللي بلاهم ما بلاني واسر يا ساري

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[علي الشهراني]

الله الله


فتل و نقض على مستوى


صحت السن الشعااار وصل و علي


و صحت يمينك على الذائقه الجميله يا عبدالله


لاهنت و مشكوووووووووووووووووووور

[بروفيسور الهيلا]

ليا منه مشى للمركز الأول لقـى التوديـر
مع البيبان يوخذ بالأذاني واسر يا سـاري


الله الله

صح لسانك ياوصل 9999999 مليون و1

بيت جزل من شاعر له مستقبل كبير



وصح لسان العضياني

شاعر مبدع

[مرزوق حمدان العتيبي]

يا وصل تقول ( جده غير ) و أنا اقول ( مكه خير )
و لا عندك دليل و لا ضماني و اسـر يـا سـاري

...
مبدع يابو فلاح ومستقبل مشرق

....
أوافقك النظر في حالةٍ وحدة فقط لا غيـر
ليا عوّد زبن طول السناني واسر يا ساري





ههههههه
ابو مشهور فوق كل اشاده

لاهنت على النقل الموفق ياعبد الله

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فايز بن سرحان الثبيتي]

ابداع * ابداع



بيض الله وجهك ياعبدالله الاصعر "

فعلا ً محاورة مميزة بشعرائها ابو مشهور وابو فلاح والجزاااله الحاظره "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[عيد بن مرضي]

يا سلام يا سلام


محاروه رائعه وقمة الجزاله


سلمت يمناك يا الأصعر

[فارس القوم]

ليا عود زبن طول السناني واسر ياساري ههههههههه
ياسلام ياوصل طاروق كايف وشعار كبار
لاهنت اخوي عبدالله على النقل

[محمد النخيش]

الله الله الله الله


عزاالله ابداع


صح السنتهم جميع ولاهانو

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[علي فلاح العضياني]

عبد الله الاصعر



لاهنت على نقل الموضوع



و أشكر الاخوان على مرورهم المشرف

التوقيع

(( رأس الحكمه مخافة الله ))

[عبدالله الاصعر]

اشكر جميع من شرفنا بمروره الكريم وبيض الله وجيهكم