قصيدة الالغاز السبعه !!! ...

[علي الشهراني]

بديت بالمعتلي و العلـم لـه شـاره=يصيدها اللي خبيـرٍ فـي معانيهـا
سلام يا فارسٍ لا ثّـور غبـاره=الخيل من دون خيله مـا تباريهـا
ابا أنشدك عن سَبَع و السبـْع قهّـاره=ليالي البـرد مـا كلٍ بيسريهـا
الاولة من هو اللـي هـدّم جـداره=في ديرةٍ صار حاميهـا حراميهـا
والثانية من هو اللي خان في جاره=في ليلةٍ غاب شاهدها و ساريهـا
والثالثة من هو اللي خاب مشـواره=حمّايتـه لا ضـوى ليلـه يعشّيهـا
والرابعة من هو اللي حط بجـواره=مدينةٍ يسكـن الخايـب مبانيهـا
والخامسة من هي اللي تصمد الغاره=لو طال وقت الشقا ما نيب ناسيهـا
والسادسة من هي اللي بالخفا فـاره=الحقد والكره والبغضـاء مواريهـا
والسابعة من هي اللي دوم غـدّاره=ترعى مع الناس وتخلي مراعيهـا
هذا كلام الذي عزّه مـن اشـواره=العزوة اللي تبيّض وجـه راعيهـا
نهاية العلم كلن يصـرف اشعـاره=امّا يصيـب الهـدف ولا يخاطيهـا
والختم صلّوا على من شعشع انواره=نبيّنـا شاهـد الامــه وهاديـهـا

الرد يكون بقصيده او مشاركه


يعني ما عنكم اي مشكله


في انتظااااااااااااااااااركم

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ولد ثااابت]

صح لسانك يالراي السديد

وشكل اللغز هذا سياسي ولكن لي عودة إن شاء الله

آخر تعديل ولد ثااابت يوم 24-Jan-2010 في 04:27 PM.

[ولد ثااابت]

الاول المسجد الاقصى

الثاني صدام واستحلال الكويت

الثالث الحوثيين

الرابع ؟؟ إذا تأكدنا هل الشغله سياسيه

الخامس السعودية وصدهم للحوثيين

السادسه إيران

السابعة امريكا


ولي عودة يالراي السديد إذا لم توفق هذه الآجابات


احترامي وانا اخوك

[خالد الرويسي]

صح لسانك ولاهنت على المشاركه بالقصيده (((((وافيــــــــــــ))))

[علي الشهراني]

حياك الله يا ولد ثااابت


الاجابتين السادسه و السابعه صحيحه


و ترا السعوووديه و الكويت خاااارج الموضوع للمعلوميه


في انتظااااااااااااااااااااااااااارك

[علي الشهراني]

خالد الرويسي حياك الله و في انتظاار مشاركتك

[ولد ثااابت]

السادس والسابع انتهينا منهن باقي خمس

الاول /احمد قريع والجدار العازل

الرابع / قطر وقاعدة الجيش الامريكي

الخامس/ فلسطين

[صبار العنزي]

المشاركة الأصلية كتبت بواسطة الراي السديد

بديت بالمعتلي و العلـم لـه شـاره=يصيدها اللي خبيـرٍ فـي معانيهـا
سلام يا فارسٍ لا ثّـور غبـاره=الخيل من دون خيله مـا تباريهـا
ابا أنشدك عن سَبَع و السبـْع قهّـاره=ليالي البـرد مـا كلٍ بيسريهـا
الاولة من هو اللـي هـدّم جـداره=في ديرةٍ صار حاميهـا حراميهـا
والثانية من هو اللي خان في جاره=في ليلةٍ غاب شاهدها و ساريهـا
والثالثة من هو اللي خاب مشـواره=حمّايتـه لا ضـوى ليلـه يعشّيهـا
والرابعة من هو اللي حط بجـواره=مدينةٍ يسكـن الخايـب مبانيهـا
والخامسة من هي اللي تصمد الغاره=لو طال وقت الشقا ما نيب ناسيهـا
والسادسة من هي اللي بالخفا فـاره=الحقد والكره والبغضـاء مواريهـا
والسابعة من هي اللي دوم غـدّاره=ترعى مع الناس وتخلي مراعيهـا
هذا كلام الذي عزّه مـن اشـواره=العزوة اللي تبيّض وجـه راعيهـا
نهاية العلم كلن يصـرف اشعـاره=امّا يصيـب الهـدف ولا يخاطيهـا
والختم صلّوا على من شعشع انواره=نبيّنـا شاهـد الامــه وهاديـهـا

الرد يكون بقصيده او مشاركه


يعني ما عنكم اي مشكله


في انتظااااااااااااااااااركم

يامرحبابك عد ماهلت امطاره = من مزنت هلت مطره بواديها
والاوله صدام يوم ضاعت اشواره = والثاني ابوعدي حصل بلاويها
والثالث من كثرهم ضيعت معياره = نبيك تسمحلنا من تواليها
والرابع خل محمود في باره = لاصار قلبه دفيقن مايقديها
والخامسه شيهانه تعجبك بطياره = والخارمه من وسط الاجواء ترميها
والسادسه والسابعه مع وافي الشباره = يومن ضربهن في اول مباديها

آخر تعديل صبار العنزي يوم 24-Jan-2010 في 09:15 PM.

[علي الشهراني]

حياك الله يا ولد ثااابت


الرابعه و الخامسه صحيحه


و فالك البيرق

[علي الشهراني]

صبار العنزي


صح لسااانك و الله لا يهينك


مشكوووووووووووووور


و خيرها بغيرها