ديوان الشاعر مرزوق بن دحيم العتيبي

[الدغيلبي1]

الحر عينه يم روس الطويلات

الـحـر عيـنـه يــم روس الطـويـلاتماهيـب عينـه مثـل عـيـن الـجـراده

اليا اسدل الجنحـان صـاد الجزيـلاتقـولـن بفـعـل ويستـحـق الاشـــاده

يكتّـف يديـن الـضـروف الصعيـبـاتحتـى يصـافـح فــي حيـاتـه مــراده

ويحط له فـي هامـة المجـد هامـاتويـلـبـسّ الـتـاريـخ فـعـلـه قــــلاده

ما يلتفت لأهل النفـوس الضعيفـاتعنـده علـى خـوض التـجـارب إراده

إليا أرتكـى شـال الحمـول الثقيـلاتصليـب راس وفيـه عــزم وجــلاده

مايحسب حساب التعب والمسافاترايــه عـنـان وكــل غـايــه جـــواده

يقطع فجوج البيد مـن دون وقفـاتويأخـذ مـن يديـن السنيـن الشهـاده

إن طالت الايـام وإن راحـت وجـاتتجـاربـه مــن فــوق عـمـره زيــاده

يـقـديّ أكـبـر مـنـه راي وقـنـاعـاتالشـور شــوره والمـراجـل شــداده

---

الذكرى

تومي بي الذكرى من السيـف للسيـفوالـقـلـب نـسـنـاس الـغــرام ألـتـوابـه

فــي لـيـلـةٍ فـيـهـا تـجــر الغـطـاريـفموقـف تعـب مــا فـيـه للنـفـس ثـابـه

ذكـرى رسـوم وهـمـس ود وسوالـيـفزالــت .. ولا زالـــت مـحــل الكـتـابـه

يبقـى لهـا فـي سيـرة الـحـب تعـريـف: أول غــرامٍ مــا يـجـي لــه مـشـابـه.

ياغالـي الـذكـرى... ذكــرت الموالـيـففـــأول مـشـاويـر الـغــلاء والصـبـابـه

كتمـتـهـا وأحـــلام عـمــري مـراديــفأسـعـى وهــي تسـعـى ورحـنـا نـهـابـه

مــا بـاقـي إلا صـــورةٍ كـنـهـا طـيــفوعطـرٍ نسـيـم العـشـق لـلـروح جـابـه

تأخـذ لهـا فـي دوحـة الــروح تشـريـفوتنـزع عــن الصـمـت المـطـول ثيـابـه

غيـداّ طغـت مـا مثلهـا فالبشـر شـيـفلـهـا عـلـى عــرش الجـمـال الرحـابـه

تخـلـف مـوازيـن الـرجــال الـعـواريـفوراع الـصـواب إتضيـعـه مــن صـوابــه

معـربـة منـسـب لـهـا الأولـــه كـيــفمـن صـلـب شـيـخٍ كــل مـجـدٍ رقـابـه

مروي عطش حدب السيوف المراهيفراس الحسب وأًصـل النسـب والمهابـه

محشومةٍ عنـدي مثـل حشمـة الضيـفوعـلـى لسـانـي مـــن غـلاهــا رقـابــه

مـن دونهـا حـالـت دهــور و صـواديـفوكـــلٍ عـذابــه فـــي حـيـاتـه غـدابــه

أعدهـا مـن ضمـن الأمـوات يــا حـيـفويبـقـى الـرجـاء مــع واحـــدٍ يـرجـابـه

راحــت ورحـنـا والـخـواطـر مـلاهـيـفوكــلٍ يـعـيـد الـذاكــره مـــن عـذابــه

---

هيل التعب

ياطويـق فـاح العبيـر وفاحـت الـدلـهوحنـا ورى حلمنـا تـركـض خطاويـنـا

ياطويق راسك ركزنا العشق في ظلهلا تلحِـق الحـال شرهـه كــل ماجيـنـا

وش حيلـة الخـل دام أنـه بغـى خـلـهمـــدام هـــذي مطالـبـنـا وأمـانـيـنـا

ياطويـق قلبـي ماكـل إنسـان يقبـلّـهلـو الـعـذارى تـسـوق الـمـوج للميـنـا

عشت وشربت التعب دقه على جلـهمـن شـأن هقـوة عزيـزٍ هاقـيٍ فيـنـا

عشنـا وكلـن مــع أيـامـه تخـيـل لــهصــوره لمستقـبـلٍ يـرقـب حراويـنـا

أثنيـن نطـوي شريـط العشـق ونهـلـهولـو تنشـد الشمـس نادتنـا بأساميـنـا

أنخـاوي الليـل ماتـطـري لـنـا الـذلـهوشـواهـد الـحـال فالدنـيـا مسـاريـنـا

وإليا سرى الشوق فالشريان وأحتلـهعــز الله إن البـحـر مـاعـاد يـرويـنـا

واليوم لغز التعـب فالوجـه مـن حلـهمـادامـه الـظـلـم يرفـعـنـا ويرخـيـنـا

إنـدق هـيـل التـعـب بالـعـزم ونـزلـهمـن محجـر العيـن ليـن العيـن ترثينـا

ولـو نعتـذر عذرنـا ماهـو علـى الملـهمستقبل العشق يشره فـوق ماضينـا

للوقـت غـدره وتجـتـاح العـمـر كـلـهأشوفهـا فـوق شـوك الظلـم ترميـنـا

يـا أول الـنـاس فــي قلـبـي ولا بـلـهإلا أخـر إنـسـان يسـكـن فالشراييـنـا

عشنـا نـزف الـغـلا فالقـلـب ونجـلـهونكـبـر وتكـبـر مــع الدنـيـا هقاويـنـا

والوقـت ظالـم ولا لحظوظـنـا طـلـهوعمري وعمرك غـدى ماظـن يمدينـا

---

المحيط الهادي

يالمحيـط الهـادي الوقـت العـوج يسـرج خيـولـهوجيـت يمـك مابـقـى حيـلـه ولا فالـحـال حـيـل

جيـت منهـك والهمـوم بداخلـي عشـريـن دولــهحاصـرت قلبـي وأنـا حايـر علـى بيـداء الرحـيـل

جيـت والخطـوات يمـك بالتعـب تمشـي كسولـهاشعـث وللهم فـي صـدري مـن الضيقـه صهيـل

كـل نظـره مــن عيـونـي بائـسـه وجـلـه ذبـولـهراجعـه مـن رحلـة الصـبـر المسـمـى بالجمـيـل

والصخب في وجه حظي كيف أجيه وكيف أقولهوالزمـن جايـر وأنـا حلمـي علـى الواقـع فضيـل

أسحب أذيول التعب والحزن تضرب لـي طبولـهحايـر العبـره وجيتـك مـن عـنـاء وقـتـي دخـيـل

وكـل كلمـه فـي لسانـي شفتهـا تاقـف خجـولـهغيـر عنـدك لـو نهـاري فـي نظـر عينـك طـويـل

يـا وديـع الـسـر يــا صــدر المحـيـط ويارسـولـهويالخليـل اللـي مكانـك يـدحـم أضـلـوع الخلـيـل

تـايـه الخـطـوه عيـونـه تلتـفـت يـــم الطـفـولـهولا لقـى مـن زحمـة الحـاضـر مـفـر ولا سبـيـل

الفـراق يسـم حـالـي والـعـرب حـولـي جهـولـهوكـل مـا مالـت بـي الحيلـه عرفـت المستحيـل

إنكسـار الرجـل صـعـب ولـكـن يـحـدد وصـولـهلأبتسـم لأحلامـه البيـضـاء عـلـى حــد المخـيـل

بالعزيـمـه يـاصـل ويمـلـك مــن الـقـوه حلـولـهإن غـدى مضـرب مثـال ولا يـجـي بـعـده مثـيـل

يالمحيـط الهـم وإن زادت علـى كتـفـي حمـولـهصـرت أشوفـه صاغـرن قدامـك وجسمـه نحيـل

داخــلٍ بالله عـلـيـك الـمــوج يغـريـنـي مـيـولـهوإن خذاني فأعرف إنـي حـي لـو جسمـي قتيـل

جيت أفضفض مـا هويـت ألا المكـارم والبطولـهوماعطـيـت الـسـر غـيـرك لا كـثـيـر ولا قـلـيـل

---

صوتٍ دعى الشاعر لربعه ولبّاه

صـوتٍ دعـى الشاعـر لربـعـه ولـبّـاهمـن الرجـال أهـل الوفـاء والعـزاوي

حتـى صــدح قـافـه وصـاغـه وغـنّـاهفـي خايـعٍ مـن جملـة النـاس خـاوي

يتعـب علـى سبكـه وحبـكـه ومبـنـاهولالـه علـى نظـم الـنـوادر مـسـاوي

إليـا بـرق فـي غيـمـة الفـكـر معـنـاهتشلـع لـه الجـزلـه ســوات الـنـداوي

شـعـرٍ يبـيـض وجـــه مـنـهـو تـنـقّـاهوأنــا علـيـه مــع الليـالـي شـفــاوي

أبــيّــن أبـيـوتــه وأمــيــز مــزايـــاهوأقـول يـا سـرب المشاعـر تـخـاوي

فـي ليلـةٍ تجمـع هـل الطيـب والجـاهروس الشـيـوخ مبـعّـديـن الـهـقـاوي

والمـدح مقـصـوده ورمــزه ومنـحـاهفعتـيـبـه الـهـيـلا ولا نــــي بــغــاوي

ربعـي سنـام المـجـد كـلـه ومـرسـاهوتاريـخـنـا بـفـعــول الاجــــداد راوي

مــع المـؤسـس كــل حــدٍ وصـلـنـاهلا قـيــل لـحـلـوق الـبـنـادق تـعــاوي

نـارد حيـاض المـوت للـديـن ورضــاهوفـي نصـرة السنـه مانرحـم ونـاوي

فعولـنـا مــع طـيـب فعـلـه مسـمـاهودقـلاتـنـا دايـــم تـفــوق الـحــراوي

واليوم في حكـمٍ سنـاء الامـن يزهـاهزهو الذهب فأفخم بشوت الحسـاوي

في ظل أبو متعب عسى الرب يرعاهوفـي ظـل أبـو خالـد وهـاك النـداوي

ندحـرهـل التخـريـب ويخـيـب مـثـواهاللـي مـن الارهــاب ســوّت دعــاوي

ومـنـهـو نـوانــا يـخـلـف الله نـوايــاهعـدونـا فــي مـجـلـس الـــذل زاوي

إليا أحتمى الموقـف وضاقـت زوايـاهصار العدو فـي حفـرة الضيـم هـاوي

الارض مـــن دم الـجـنـايـز مـحـنّــاهوبـيـارق الـنـصـر الـمــوزر عـــلاوي

ويبـقـى وطـنـا رايـــة الـعــز تـبــراهفـي خدمـتـه كــلٍ يـحـث الخـطـاوي

وأكبـر دلـيـل بنـظـرة العـيـن نـقـراهفعيـالـنـا اللـيـلـه كــعــام الــبــلاوي

يستاهـلـون الشـكـر لاحــل طـريــاهوالمـدح مثـل الطيـب عنبـر وجــاوي

أنتـم قرانيـس الـوطـن وأنـتـم أبـنـاهوفيكـم مقاصيـد الـرجـاء والمـنـاوي

كـلٍ نـذر نفسـه علـى شــأن يحـمـاهمـن كـل نـذل وكـل طـامـع ونــاوي

وأنـتـم دروع الامــن سيـفـه ويمـنـاهحقيـقـةٍ مـاهــي سـوالــف مـــراوي

ويبـقـى ولانــا واضــحٍ مــا حجـبـنـاهوعـده مــع عــدود القبـايـل رهــاوي

[محمد الذيابـــي]

.’



صح لسان الشاعر مرزوق بن دحيم


لاهنت على النقل

,’

التوقيع

التوقيع محمد الذيابـــي

[طلال بن هذال بن نشار]

صح لسانك وسلم بنانك تقبل مروري وتقديري