{قصيدتي فطرتي} للشاعر/سعود السلات

[معرب الساس]

قصيدتي فطرتي وإحساس نبـض وشعـور=قصـة معانـاه قصـة جـد ماهـو هـزل
كتبتهـا لإحتفـالات الفـرح والـسـرور=وكتبتهـا للفـراق اللـي مابعـده وصـل
كتبتهـا للنسيـم وللشـجـر والـزهـور=وكتبتـهـا للعبـيـر وللـنـدى والنـفـل
وكتبتهـا للمسـاء والنـيـرات الـبـدور=وللنجم والشمس إستخلص جمل من جمـل
وكتبتهـا للصداقـه والخـوي الجـسـورا=للي ليـا قـال كلمـه مـن لسانـه فعـل
وكتبتهـا للكـرم والطيـب وزن وبحـور=وكتبتهـا للشهامـه والحـيـا والخـجـل
أبحث عن الشارده في مفـردات السطـور=تصير لي من شرود الذهن همـزة وصـل
وكتبت شعري وجا للشعـر وزن وحظـور=وأصبحت شاعر وأنا مدري وش اللي حصل
لعبت دوري ومن حقـي ليـا أخـذت دور=لي من صدى المعجبين إشراق نور وأمـل
وأن لـك الله مايهتـز راسـي غــرور=والحبل ممـدود مابيـن الرضـا والزعـل
الشعـر طـاري ودنيانـا محطـة عبـور=والرابـح اللـي يقـوم ويجتهـد بالعمـل
الرزق مقسوم والصابـر يسمـى صبـور=والعلم مثل الفلـك يجلـي ظـلام الجهـل
ماسـل حالـي محبـة ناحلـة الخصـو=روإن قلت في حبهن فالرجـل يبقـى رجـل
تلقاني أسخف من القرطاس طـور وطـور=أقسى من الحيد والريـض يجيـب العجـل
صحيح ذقت الحلا الحالي وذقـت المـرور=ومن ذاق طعم العسل يصبر للسـع النحـل
أحيان حلمي فلل وأحيـان حلمـي قصـور=وأحيان حلمـي بسيـط ولايصيـر الجـدل
والأرض مسجد وريحان وفـلاه وطهـور=فيهـا القمـاري وطيـار القطـا والحجـل
والشامخـات النوايـف وإمتـداد البحـور=إبداع مـن قـدرة الرحمـن عـز وجـل
في حندس الليل ظلمه في سنا الفجـر نـور=شاعر ولي تجربـة وأملـك بيـان وعقـل
وليا قدح قـادح الصـوان بيـن الصخـور=قصيدتـي قـدح مـرو نـيـرة تشتـعـل
قصيدتي نفح عود ومسك وأزكـى عطـور=ماجت طروق القصيـد ألا بنقـض وفتـل
لو كثرو المبدعين وهاض هيض الصـدور=ياقف قصيـدي مواقيـف الشجـاع البطـل
وخويي اللي على عرضي وعرضه غيـور=الذيـب سرحـان عمـره مايعـود ثـعـل
الأقطـم النـادر الوافـي خيـار الصقـور=حرا ليا صملت من طيـب راسـه صمـل
سلام مأورق وغنـت ساجعـات الطيـور=من شاعر شق دربـه شـق حتـى وصـل

الشاعر/ سعود بن منيف السلات