شكر الشريف بن هاشم

[حبردي موهوب]

يقول الفتى شكر الشريف بن هاشم=لا شبعـة إلا مقتفيـهـا جــوع
ولا ضحكة إلا والبكـا مكنـع لـه=ولا طـرب إلا مقتفـيـه فـجـوع
ولا يــد إلا يــد الله فـوقـهـا=ولا طايـرات إلا وهــن وقــوع
لا بد عقب الوقت من لايـح الحيـا=من بارقن يوضـي سنـاه لمـوع
لا برقـن إلا فـي حجـا مستهلـه=ولا طرقـي إلا مـن وراه نجـوع
عسى الحيا يسقي فياض اّل عامـر=عسى الحيـا يدعـي لهـن فـروع
يا طول ما ناغيت بهـن صاحبـي=حلي النبـا دب الزمـان خضـوع
ألا يـا حمامـات بـوادي دمشـق=وراكـن فـرق والحمـام ربــوع
بليـت يـا فـرق الحمـام بنـادر=من الجو مهذاب رمـى بـه جـوع
كان عطيط الريش من ضرب مخلبه=كما وصـف حـراث ببـذر زروع
وراكن ما تبكن للجازيـة أم محمـد=لو كان مـا يجـري لكـن دمـوع
ألا واسفـا بالجازيـة أم محـمـد=فارقتهـا وأثـر الفـراق يــروع
أبكي عليها لين حفيـت نواظـري=و لاني من تدبيـر الإلـه جـزوع
أنـا دموعـي دم والنـاس غيـره=ولا يستـوي بـاك الدمـا ودمـوع
من الناس نوار الربيـع إلـى زهـا=تظل البـوادي فـي هـواه نجـوع
عرب إلى جاء صايح صوب مالهـم=يجونـك حنـقـا لابسـيـن دروع
ومن الناس ناس ما نبالي ولو غدوا=وناس إلـى راحـوا تهـل دمـوع
ومن الناس طلع التين حلو مذاقـه=لا ذاقـه الـذواق ظــل هـنـوع
ومن الناس طلع الشري مر مذاقـه=لا ذاقـه الـذواق ظــل يــزوع
تريض يا رهو اللـي جـاء دليلـه=من الشام خفـاق الجنـاح لمـوع
تريض يا رهو العراق نقـول لـك=لعلك يـا رهـو العـراق سمـوع
يغاغـي مغاغـات الرضيـع لأمـه=وهـن مخاضيـع بغيـر وقــوع
ثمانين أنا هافيت بيضـاء غريـرة=كـأن ملاقـى أفامهـن شـمـوع
خمسين من محوصات الوسط رجح=يذبن الهوى في قلـب كـل ولـوع
وثلاثين منهن تـو مـا بـدا بهـن=صغـار وتـو نهودهـن طـلـوع
ولا عاضنـي بالجازيـة أم محمـد=عليهـا ثـوب الطيلسـان لمـوع
هلالية مـا دقـت العـرن بالصفـا=وشحم اليديـن بالكليبيـن يمـوع
يحرم علي أكلـي الثـلاث كوامـل=لـو قيـل فيهـن الـدوا ونفـوع
ومنهن عيوني كل ما نامـت المـلا=تهـل وتملـى الحاجريـن دمـوع
ومنهن كبدي كل ما زامهـا الطنـا=يعزى لهـا بعـض المـرار تفـوع
ومنهن قلبي كل مـا حـل ذكرهـا=يحاول ما بيـن الضلـوع طلـوع
يـا شاربيـن التتـن لا تشربونـه=قليـل الجـدا يــزود المقـلـوع
شربته من أجل الجازيـة أم محمـد=غديـه يبـري علتـي وشـنـوع
لا صار ما تبريـه بمجـادل السبـا=ورمـح شطيـر وهنـدي لـمـوع
يحرم علي اسقاي الضيف لو بكـا=لو هـل بيـن الحاجريـن دمـوع
ماأسقيـه إلا در حمـرا سميـنـة=جذعيـة وقـت العتيـم طـيـوع
ألعنك يا رجل مـا يصيبـك الطنـا=هذاك يحسب مـن الرجـال رتـوع
وأنا كما حر علـى الصيـد عالـم =حـر إلـى بـار الزمـان رثــوع

[حبردي موهوب]

الله يعتيبه محد رد ع القصيده مشكورين وماقصرتو تحياتي الكم والله متوقعة من كم