الصداقه

[سلطان نايف العضياني]

هذه قصيده لشاعر/سلطان بن فيحان المرشدي

لاصار مقصود الصداقه على شي=أشطب عليها واطلب الله عوضها
أبعد عن اللاهوب وازبن على الفي=هذي نصيحه واللبيب يحفظها
مايرجع الميت ولو يبكي الحي=واهل المرض لابد يطلع مرضها
صداقة الأهداف ماهيب تبطي=ولا تنفعك لو بالوفا تعترضها
ميثاقها من شان تاخذ وتعطي=وان وقف المشروع كلن رفضها
مثل السراب اللي من البعد يزمي=من طردته كم من نفوسن قبضها
إن كان ماجات الصداقه كما الضي=على نقاها ماتفاخت بعضها
ماهي تسير شوي وتدقر شوي=ولا تضيع إليا تحقق غرضها
ولا يغطي حسنها جوهرن سي=واليا نهضها ذاك هذا نهضها
ودليلها تضرب على الجم برشي=فالمرتفع ماعاينت منخفضها
نصيب في بعض الهقاوي ونخطي=مير التجارب مستمرن وعضها
وصداقتن في قدرها ناجح وني=أما تفلها ذاك هذا لفضها
فيها نفاق وغش ومخادع وغي=صداقتن حب المصالح فرضها
وقت الرخا ينشدك تامر على شي=اوقت الشدايد منك كفه نفضها

سلطان فيحان العرط المرشدي

[خلف الروقي]

صح لسانه ولسانك


يعطيك العافية


شاكر لك

[علي الشهراني]

لاهنت و صح الله لسان المرشدي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ابومشعل العازمي]

صح لسانه ولسانك


يعطيك العافية


ودوم التوفيق

[أبونواف]

صح لسانه ولسانك

يعطيك العافية..

[سلطان نايف العضياني]

شكرآ للجميع

[سيف المساعيد]

صح لسانه

وصحته يديك


فعلاً على ماقيل ( الصديق وقت الضيق )

[سلطان نايف العضياني]

سيف

شكرا لك

[المـرشدي]

صح لسسان ابن عمي وصح لسان ناقلها والف شكرا على نقل القصيده الجميله وتقبل مروري

[محمد العتيبي]

الله الله



صح الله لسااان المرشدي على هذه الرائعه ..



ولاهنت يابو نايف على النقل الرائع



تحيتي لك
..

التوقيع

للتواصل عبر twitter تويتر al_bargawy@