مساجلة بين الشاعر سطام ابوسنون والشاعر نواف بن فهيد

[مشاري الحبردي]

السلام عليكم ورحمة الله وبركاته .

هذه مساجلة بين سطام بن مقعد ابوسنون وبين نواف بن سلطان بن فهيد:

هـاض الخفـوق وزان ترتيـب الابيـات =وارسـلـت يــم اهــل الحـويـه سـلامـي
ســـلام يــانــواف نــســل الـفـهـيـدات= اخــوان هـمـلا فــي نـهــار الـزحـامـي
الـكـم عـلـي قــود المـعـارك بـطــولات= تاريخـكـم فــي نـجـد ضــد الخصـامـي
نـواف ابـن سلـطـان لاراحــت وجــات= راع الوفـاء والطـيـب نـسـل الكـرامـي
من راس عود(ن) حين قدح الشرارات= سلـطـان ابومـديـن زبــون المضـامـي
ابزبـنـه كــان الـصـدر فـيــه ضـيـقـات= مع رعشت(ن) بيـن اللحـم والعظامـي
اونستـهـا بـيــن المـحـانـي بـرجـفـات= ترجـف بقلـبـي لـيـن حـاسـت نظـامـي
تــارد عـلـي صــدر المعـنـا بهـجـمـات= ثــلاث مـنـهـا مـثــل نـبــل السـهـامـي
والقـلـب منـهـا عــاش وقـتـه بـلــذات= يـاكـثـر مـايـحــرم عـيـونــي مـنـامــي
والعلـم صـار الـيـوم وســط المتـهـات= ليـتـك تجـيـب الـحـل وانـتـه مـحـامـي
وانـتــه رفـيـقـي فـالـيــال الـشـديــدات=ولالـــك شبـيـهـن يـاقــوي الـحـزامــي
شاعر والـك بالشعـر صولـه وجـولات= دوك الـكـلام وهـــات زيـــن الـكـلامـي

وهذا رد الشاعر نواف بن سلطان ابن فهيد

لاحت بروق الصيف واستنعش الذات = ولقيـت فــي جــوف البـريـد التـزامـي
مـع شاعـرن مهـوب هيهـات هيهـات= لا جــاب قـافـه يـرتـوي كــل ضـامـي
ابـن الرجـال اهـل الضفـر والـمـروات= الـلـي خـذوهـا بالسـطـر والحـسـامـي
اخـذوا قـرارة نجـد مــن كــل شـمّـات= وباتت تحـت حكـم الرجـال الحشامـي
فـي يـد مطلـق عايشـه كــل الاوقــات= اللـي يـمـت الخـيـل شـرقـن وشـامـي
والاد روق اهــل السـيـوف المحـنـات= دقـلاتـهـم مـثــل الـجـبــال الــزوامــي
ومـن بعـد هـذي والفـعـول القديـمـات= يامـرحـبـا تـرحـيـب وافـــي وحـامــي
ياللـي تشـكـى مــن عــذاب الخـونـدات =مــن سـبـة المجـمـول راع الـزمـامـي
لـكـن انـــا فـالـحـب مـالــي عـلاقــات= ولاهــوب ياسـطـام ضـمـن اهتمـامـي
وارسلـتـي قـصــة غـرامــاك بـونــات= لـكـن مــدري ويــش نــوع الـغـرامـي
ان كـــان نـوعــه جـاهـلـيـه ولــــذات= أدخــل عـلـى الله يــا رفـيـع المقـامـي
ارجـع لـربـك واعـتـذر عـشـر مــرات= قـــدام تـفـنـى مـــع جـــراد التـهـامـي
واحـذر تــروح مــع طـريـق المـلـذات= اكبـح جمـوح النفـس وانـظـر امـامـي
وان كان حبك طاهرن من عرب سات= ابـشــر بـفـزعـه مايـجـيـهـا مــلامــي

[ابن صنهوت]

صحة السنتهم وسلمت على النقل يا مشاري بيض الله وجهك وكل عام وانت طيب وعيدك مبارك

[مشاري الحبردي]

ووجهك ابيض يابن صنهوت

وانت طيب وعاد عيدك

[محمد العتيبي]

صح السنتهم

ولا هنت على النقل يالغالي ..

تحيتي
..

التوقيع

للتواصل عبر twitter تويتر al_bargawy@

[لطــام العــايل]

صح السنتهم

ولا هنت على النقل يالغالي ..

[ابومشعل العازمي]

صح السنتهم

ولاهنت مشاري على الابداع

ودوم التوفيق

[مشاري الحبردي]

المشاركة الأصلية كتبت بواسطة محمد العتيبي

صح السنتهم

ولا هنت على النقل يالغالي ..

تحيتي
..

ولاانت يامحمد وحياك الله

[مشاري الحبردي]

لاهتوا جميعا

[ابورازن فالمريخ]

صحة السنتهم وسلمت على النقل يا مشاري بيض الله وجهك