التايه اللي جاب بصري يقنه

[ذيـب طـويـق]

السلام عليكم ورحمة الله وبركاته ....

مساكم الله بالخير كلن بأسمه ...
أبد ما به الا سلامتكم بس اني حبيت اقول
لكم قصة وقصيدة ... لشاعر غزلي معروف

والقصة تدور حول موضوع الغزل والكثير بل الاغلب من الناس يريدون
القصص والقصائد الغزلية وفي هذا الموضوع نذكر قصة الشاعر الكبير
الغني عن التعريف وهو الشاعر (بصري الوضيحى )

بعد ما كبر السن في شاعرنا واخذته الشيخوخه وشيب راح يوم من الايام
بصري الوضيحي الى مكة للحج هو وولده ومعه بعض من رفاقته بس
بصري الوضيحي اخذ عهد على نفسه بأن يغض طرفة ولا يلتفت
للنساء ...المهم ....جاء لمه احد اصدقائه وقاله : يابصري تعال أبوريك
شي.....!! في احد هالمتاجر

وأثر هاك البنت اللي تهبل العقل وجمال وفتنة وشعر أسود ..... المهم ان
البنت ماتدري ان بصري الوضيحي وخويه يراقبونها ...!!! وقال صديق
بصري الوضيحي هذا الشي اللي ناديتك علشانه ... المهم ان بصري
الوضيحي قام ..يطالع ..!! ويطالع ..!!

أيــــه ألتفت بصري الوضيحي على خويه وعاتبه على سواته اللي سواها
وقاله : انت الظاهر انك شيطان ... الحين هذا كبري جاين توريني هالبنت
وبعدين انا معاهد نفسي اني اتركت الحاجات اللي مثل كذا.....!!...

وهاضت قريحت الشاعر بصري الوضيحي بهالقصيدة اللي يقول فيها:

التايه اللي جاب بصري يقنه=جدد جروح العود والعود قاضي
يامن ياعوني على وصف كنه=أشقح شقاح ولاهق بالبياض
لاهيب لا زفرة ولاهي مصنه=ريح النفل بمطمطمات الغياض
ونهدين للثوب الحمر شولعنه=حمر ثمرهن واقفات غضاض
ياليت سني صاغر وقم سنه=بايام مابيني وبينه بغاضي
ياجرح قلبي جرح واد وطنه=غر المزون اللي وطنه وفاض
البيض قبلي محسن عذبنه=ونمر على وضحى جرى له عراضي
عزي لمن غر الثنايا كونه=اركن على كبده كوى عراض
شوفي بعيني والخدم يركبنه=على زعاع يوم قوطر وناضي
فوق أشقح من زمل أبوها مضنه=ركبه عليه تشنطح باعتراض
بمشجر من سوق هجر مغنه=على خياطه ناب الارداف راض
وين انت يامشفى على طردهنه=أنا طويت رشاي وأقفيت قاض

[((الدلبحي))]

ذيب طويق عافاك
تسلم يالغالي

[داهية عتيبة]

مشكور أخوي ذيب طويق



لا هنت



تحياتي ..

[مزحم]

السلام عليكم ورحمة الله وبركاته
التايه الى جاب بصرى يقنه والى يشره على بصري وصفها في القصيد ه يسبب اعراض كنها اعراض الحمى المالطيه الله يكفينا وياكم الشر واشلون العود الضعيف شايفها وجه لوجه
عزيله والله
احسنت الاختيار ياذيب طويق ويعطيك العافيه

[ذيـب طـويـق]

((الدلبحي))

الله يعافيك يا الغالي على الرد الكريم ...

[ذيـب طـويـق]

داهية عتيبة

لا شكرا على واجب

ولا عدمناك ....

[إبن مفلح]

بيض الله وجهك يالذيب ...


موضوع مميز كتميزك ...


لاهنت ..




تحياتي

[ذيـب طـويـق]

مزحم

تسلم على المرور يالغالي ...

[ذيـب طـويـق]

إبن مفلح

الف شكرا لك يا عزيزي على الرد الكريم

وشكرا لك ....