اآه كـم ونـةٍ بالصـدر مخفيّـه=في حنايا من الأحـزان مليانـه

[رشيدالهديرس]

قصيده مؤثره جدا جدا ومن القصائد الشامخه اللي دايم اقراهـا رغم مافيها من حزن

آه كـم ونـةٍ بالصـدر مخفيّـه=في حنايا من الأحـزان مليانـه
عقب كانت حديث قلوب سرّيـه=ولعت جوف صدرٍ ثار بركانـه
يوم عديـت بالأقـدام عصريـه=فوق رجمٍ لـه الأقـدام طربانـه
رحت اغني واجاوب كل قمريـه=وفز قلبي كمـا طيـرٍ بجنحانـه
وهل دمعي كما همّـال وسميـه=لين راحت ثيابي منـه غرقانـه
يوم لديت في الـدار الخلاويـه=وشفت منزالنا فيهـا ومرحانـه
عشت لحظه مع احلامي الطفوليه=يوم كانت غصون العمر ريانـه
شفت نفسي بذيك الديـره الحيـه=طفل غرقان في لعبه مع اخوانه
نصنع من الخيال جمال وهميـه=مثل زمل البدو لاشدت اضعانـه
ثم نشعب جمال الوهـم طرقيـه=يوم تقفـي نغنـي ليـل يادانـه
كن ابويه يحقـق بالنظـر فيّـه=يوم اغني وانا اغني على شانـه
كني احس صوته مـن حواليّـه=واذكره واتذكّر ضحكـة اسنانـه
يوم يقبـل مـن ديـارٍ نحاويـه=رغم كل الشقا مايبـدي احزانـه
ثم يرمي بروحـه داخـل الفيّـه=وقبل يرتاح يزهم كـل ورعانـه
في عيونه لنـا نظـرات حنيّـه=تروي كبودنا لوكـان عطشانـه
ذكريـاتٍ تكـاد تلامـس يديـه=بعد مالامسـت قلبـي ووجدانـه
فرحةٍ عشتها لحظـات وشويـه=زهرة العمر واللحظات عجلانـه
كن ذاك الزمـان أحـلام ليليّـه=مابقا من كتابـه غيـر عنوانـه
فرقتنا ضروف الوقـت جبريـه=مات من مات واللي حي في شانه
فات عصر الصبا باحلام ورديـه=والطموحات والآمـال عجزانـه
مثـل منزالنـا وبيـوت مبنيـه=مابقا من بناهـا غيـر سيسانـه

للشاعر الكبير والقدير عبدالله الطلحي الهذلي

[شاعر شعبي]

الاخ رشيد




شكرا لنقلك وذوقك الراقي


فعلا قصيدة شامخه ومن شاعر شامخ المعاني




امتعتنا بهذه الرائعة للشاعر الكبير والقدير عبدالله الطلحي الهذلي


شكرا لك من الاعماق


وتقبل تحيات اخوك

[فايز بن سرحان الثبيتي]

بيض الله وجهك يارشيد


عزالله قصيدة تنومس من قالها ومن نقلها


تستحق التقييم خمس نجوووووووم


وصح لسان الشاعر القدير \ عبدالله الطلحي


الشعر الشعبي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن