محاورة الشاعر فهد البراق مع الشاعر عادل الثبيتي

[متعب الذويبي]

السلام عليكم ورحمة الله وبركاته

هذه المحاوره تعتبر من اقوى المحاورات فتل ونقض بين شاعرين كبار :

عادل الثبيتي

مرحبا  ترحيبة(ن)تكفي  عن  افراد  القبيلـةعد مالاحت نجوم الليل  في  عالي  سماهـا

ياشعيل ابرك على زارك وشيل الحمل شيلةسرها   حتـى   يبيـن   وجههـا   والا   قفاهـا

فهد محمد البراق

البقا ياللي ترحب باسم عزوتك  الاصيلةربعك عتابة هل الطالة رفيع(ن)مستواها

الحمل يركي عليه شعيل لو مافيه  ميلةفالقسا واللين والدنيا ماحد يلحق  مداها

عادل الثبيتي

بعد بان الشاعر اللي ماعرفنا وش دليلهكل علة  ياوسيع  المعرفة  عندي  دواهـا

فالمواقف مانت لاقيلك رياجيل(ن)كليلـةوالرجال  الطيبة  ماودنا  نبحـث   خفاهـا

فهد محمد البراق

سرها ياصاحبي لن كان لك  حيل  وحيلـةكيف توصف لك دوى في علة ما بان داها

كان ودك تشعل النيران في راس الفتيلـةشبها واللي  يشب  النـار  يتحمـل  لظاهـا

عادل الثبيتي

المعاني بعضها يقضي على  الهم  ويزيلهمار لاشفت الجمال مقوطرة خلك وراها

انت ودك تشتري وتبيع  واموالك  قليلـةلاتحول  سوقها  قـدام  لاترهـي   علاهـا

فهد محمد البراق

الهدف معروف وانت والله انك مستويلـهوالبحر ماينشرب والكبد  مايروي  ظماهـا

اشتري وابيع وشدادي على راس الطويلةوالخصم والله ليطعم مرها مااطعم حلاها

عادل الثبيتي

كان عندك ياعميل الخير شيء من الفضيلةانت  قدامك  رجال  بالوفـا  تضفـي  لحاهـا

البحر  ماينشرب  والغيـث   ماكـل   يخيلـهنعنبوكـم   يارجـال   مـا   تساقيهـا    يداهـا

فهد محمد البراق

الدلال  تفوح  بـن  وهيـل  ماهـي   زنجبيلـةعامـرة   ياحلـة   بالجـود   ويـذري    ذراهـا

من  يجيب  الوافية  ياصاحبي  نوفيـه  كيلـهومن يطب السوق يعرف بيعها من مشتراها

عادل الثبيتي

انت ضيف  وضيفنا  مانحتري  بنه  وهيلـهوالبيوت العامرة  من  حظ  رجـال  بناهـا

ماانت جايب يالعتيبي في زمانك مستحيلةمن بغا الزانة لقاها من  بغا  الشانة  لقاها

فهد محمد البراق

الثبيتي  يحرث  ويـزرع  ولا  شفنـا  حصيلـةوالبيار اللي من اول عد  قالوا  جـف  ماهـا

ماخلق رب العباد  الكون  فـي  يـوم  وليلـةارض بالمقسوم والا الناس من يدرك رضاها

عادل الثبيتي

الثبيتي وش يسوي فأرض  مافيها  عقيلةالعقيمة ماتفيده  لن  حرثهـا  وان  ذراهـا

جل من هوفي وسيع الكون مايوجد مثيلهوان زعلنا وان رضينا  مغفرتكم  مانباهـا

فهد محمد البراق

والنهايه  ننتمي   لثبيت   وانتـه   تنتميلـهعزوةٍ يشهد لها التاريخ ما  تشقر  عصاها

يختم الابيات يا عادل زميل(ن) مع زميلهوالليالي المقبله بالخير  حنا  في  رجاهـا

وسلامتكم

[عبدالرحمن الهيلوم]

مشكوووووووووووور يالغالي وصحت السنتهم

[محب الهيلا]

يعطيك العافية وماقصرت

[متعب الذويبي]

المشاركة الأصلية كتبت بواسطة عبدالرحمن الهيلوم

مشكوووووووووووور يالغالي وصحت السنتهم

مشكور اخوي على مرورك الكريم

يعطيك العافيه

[متعب الذويبي]

المشاركة الأصلية كتبت بواسطة محب الهيلا

يعطيك العافية وماقصرت

مشكور اخوي محب الهيلا على مرورك الكريم

يعطيك العافيه

[دوسي زهراني]

محاورة من المستوى الرفيع ..


صح لسانهم وسلم ناقلها ..

































تحيـــات عـــاشــق الاهلــي الملكــي وجمهـــوره


نـــايــف الدوســي الزهــــراني

[قادح شرار]

مشكووووور على المحاورة الجميلة .

بس ياليت نعرف من هو الشاعر عادل الثبيتي . اسمه كامل ومن أي الثبته .

[متعب الذويبي]

المشاركة الأصلية كتبت بواسطة قادح شرار

مشكووووور على المحاورة الجميلة .

بس ياليت نعرف من هو الشاعر عادل الثبيتي . اسمه كامل ومن أي الثبته .

مشكور اخوي قادح شرار

والشاعر عادل الثبيتي من الثبته اهل السيل

تحياتي لك