ياقمر سبحان من سواك..

[نايف بن ملحق الثعلي]

وعذاب القلب من كثر الهوى ودروبه=ياعساء ربي يصبر نفسي الولهانه
كن قلبي فيه نار(ن) تشتعل مشبوبه=لو يطول الوقت قلبي مانسى خلانه
اشهد ان الحب للعاشق يزيد اذنوبه=وانت في وصفك ترى بعض العرب بلشانه
حسبي الله كيف تشغل نفسي المذنوبه=ياعذاب القلب من حبك وياحرمانه
كل حاجه بينا ياصاحبي محسوبه=وانت لاتنسى الكلام اللي على برهانه
لاتقول ان المفارق ماش فيه اصعوبه=والقلوب ابهمها وبشرها مليانه
ياحبيبي كل حاجه للبشر مكتوبه=والمحبه قصر ثابت لاتهد م اركانه
مار لاتلعب علي اللعبه الملعوبه=وانت تدري من يعاهد صاحبه ماخانه
الهوى والحب ياليتك تناظر صوبه=لاتناسى الحب ولاّ تعتمد نسيانه
ياغريب الوصف ياللي غايتك مطلوبه=ارفق بروحي تراها جايعه ضميانه
الدهر غدار جاير ماصفاء مشروبه=وعذاب العاشق اللي مانسى حيانه
لو بغيت اتوب عن حبك صعيب التوبه=ياقمر سبحان من سواك ياسبحانه
انت حبك سم حالي والعرب دريوبه=من تولع بك نسي داره ونسي اخوانه
مار ياليتك ترد افكاري المنهوبه=مايفيد الشاعر اليا قال قول السانه
اثر بعض الناس عايش عيشة ٍ منكوبه=ناس خسرانه وناس ٍ يالغضي ربحانه
يافريد الحسن مابين الوطن وشعوبه=اعتبر نفسي معك في ذمتك وامانه
حالتي بعد المفارق كنها مغصوبه=مانسيتك لويدور ابنا الفلك وازمانه
الهوى والعشق كل اهل الهوى غنوبه=مار ابا اغني بطرقه في جميع الحانه

التوقيع

ما هوب لازم توقيع00

[السميــــــري]

نايف الروقي ..

صح لسانك .. وقصيدة أكثر من رائعة ..

والله لايهينك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[نايف بن ملحق الثعلي]

السميري بيض الله وجهك

اسعدتنا بمرورك

تيحياتي يالغالي

[مساعد العضياني]

صح السانك يالغالي

لا هنت على هذه القصيده الجزله

تحياتي