تعال ياسلطان يابن دحيم....

[رفيع المنزل]

تعال ياسلطان يابن دحيم وادحم بالجنوب = انا تراي موجه المدفع لشيخ المحكمه
اثر الكذوب من اول الايام فاخرها كذوب = لكنّ مد الله ولا مد اليدين المعدمه

[سلطان بن دحيم]

اقول يا كثر المشايخ فالشمال وفالجنوب = وانا معك والدرب حاول يالسنافي ترسمه
انته تبى لك قسم يا رجال من ديد الحلوب = لكن تبطي دام ابه مشفوح مفتوح(ن) فمه

[رفيع المنزل]

شفنا مراسيل الرجال الوافيه من كل صوب = واكثرهم اللي فوق صدره يستحق الاوسمه
لكن بعد مادرّت الخلفه ماعبّـت غير كوب = وان كان سلطان اغتبق مااقول يالله تحرمه

[سلطان بن دحيم]

ترا القضاه يميزون الفرق ما بين الشعوب = قانونهم ما احد(ن) سواهم يا صحيبي يفهمه
ان كان ضايق روح ما انته يا ابن الاجواد مغصوب = والا تركد قبل بيتك عقب بنيه تهدمه

[رفيع المنزل]

ابليس راس الشر قايدهم على كل الدروب = سبعين اخذها والبقية للثلاثة قسمه
لو يضحك الوجه الذي فوقه علامات الشحوب = تراه تحت العين ياويله لو تزل قدمه

[سلطان بن دحيم]

ترا الكلام اللي تقوله يا ابيض الوجه محسوب = وابليس ما هو في وطنا مير اشوفك تخدمه
اللي يعرف الواجبه يبشر بتكميل الوجوب = ومن زل بيدينه ينكس يا بن الاجواد اعلمه

[رفيع المنزل]

دايم كلام الحق مايصلح لاهل زيغ القلوب =مانخدم ابليس الردي لا والله الا نرجمه
نوبتك الليلة وانا حاسبك فالدعوى تنوب = لكن اشوفك تقل تبغانا نعيد الترجمه

[سلطان بن دحيم]

الثوب غالي هات سعر الثوب والا ماش ثوب = واللي يدور مكرمه في غير هاذي نكرمه
شمس الضحى يا سرعها سرعاه مالت للغروب = مير البري يبقى بري لو الاوادم تتهمه

[سعد بن عون]

صح لسانك يابن دحيم مبدع


وصح لسانك يارفيع


متابع

[رعد الروقي]

دايم كلام الحق مايصلح لاهل زيغ القلوب
مانخدم ابليس الردي لا والله الا نرجمـه
نوبتك الليلة وانا حاسبك فالدعوى تنوب
لكن اشوفك تقل تبغانـا نعيـد الترجمـه






الثوب غالي هات سعر الثوب والا ماش ثـوب
واللي يدور مكرمه في غيـر هـاذي نكرمـه
شمس الضحى يا سرعها سرعاه مالت للغروب
مير البري يبقـى بـري لـو الاوادم تتهمـه


الله الله


ابداع بل قمة الابداع


صحت السنتكم مرار ولاهنتوا



متابع