مساجله وان ماقنع علمت نايف وابن عون....... لويذكرون بحسن ساره وميسون؟؟؟

[((الدلبحي))]

هذه القصيده اسندها الشاعر محمد بن زبن بن اعمير للعطاوي شاعر (هوازن):
اربع ليالٍ نجتلد للعطاوي
لاشك دونه حال من حاله اشطون
اروح يمه في وجوده رهاوي
وارجع عقب مارحت مانيب ممنون
احد يقول انه بمشيه يراوي
واقفى مع الطاروق يمشي على هون
واحد يقول انه لذولاك ناوي
بمسيار لكن مايبا الناس يدرون
ولاعرفنا وين قلبه نحاوي
شي يحير كل من له يعرفون
والوقت هذا مخلف للهقاوي
والناس مثل الوقت للخلف يمشون
ولولاي ماودي تطول الدعاوي
ابديت مما بان لي منه مكنون
لكن يعرف الرمز ماهوب غاوي
وان ماقنع علمت نايف وابن عون
اما يقولون ابونواف داوي
ببحر الخطا والابصفه يقومون
وانا على سمع الحقيقه شفاوي
تزيل شك داخل القلب مخزون
فرد عبدالرحمن العطاوي
ياضيف مالك بالزياره حراوي
حتاي ارابط لك على الباب مسجون
لبستني ثوب التهايم فراوي
ولاانت امتدري ودك الناس يوحون
تراي انا ماامشي الدروب الملاوي
مالي طريق يم ذا اللي تسمون
ان كان تشهد ياخبيث الحظاوي
غيرك هل الذمه لعرضي يزكون
انا الشريف انا العفيف الحياوي
والانت يامحمد وريث ابن لعبون
جمعت فيك من العصيمي مراوي
رده عليك العام في دار فرعون
يوم انت تعطي من كبار الهداوي
في ديرة غزلانها منك يدنون
كثيرهم من كثر دفع الرشاوي
صاروا يسمونك بحاتم وقارون
وانا مراويحي لعطب الاهاوي
مغن الفليس ومعفي كل مديون
اعدل تعابيرك فداك الشناوي
الناس للعلم الخبيث ايتحرون
مانيب لوخيات حلوى هواوي
لويذكرون بحسن ساره وميسون
وسلامتكم