مجاراة الشاعـر عيـد بن حطاب العتيبـي .. قالها الشـاعـر عبـدالعزيـز المرشدي

[أبن حشيان]

قصيدة عيد بن حطاب العتيبي في غلا الاسعار وارتفاع المعيشه

شف سد مارب انفجر والسبـب فـار
وحنـا بلادنـا فيـه مليـون فـاره
فيرانآاصـغـارآ وفيـرانـآ كـبـار
مصاصـة الـدم أكثـرة فالجحـاره
اهل الجشع واهل الطمع ناسن اشرار
اكلـوا مصالحنـا وقالـوا شطـاره
وأشعب يبيع ويشتري واغلاء الاسعار
وابـو دولامـه جالـس بنتـظـاره
اشعب وكيل اسمه عناوين واشعـار
والمجرم الهامـور خلـف الستـاره
وحمايـة المستهلـك ولابهـا خـار
مايـوم شفناهـا تسييـر بـحـاره
وتشوف وش سوو بنا قصار الاعمار
اللي غـزوا رزق المواطـن بـداره
بيـاع بالجملـه وبيـاع سمـسـار
واهـل بقالاتـن بـظـل العـمـاره
حتوا رواتبنـا مثـل حـت الاشجـار
ونرهـن بطايقنـا مـع الاستمـاره
وغلي الشعيـر الحبـه بنـص دولار
ومـن زود الاعـلاف لاكثـر خـاره
مع شدة الحاجة ومع قـل الامطـار
عزي لراع الماشيـه هـو وجـاره
وعلى التجـاره نعقـد امالـن كبـار
ولكن مـن عيـن وزيـر التجـاره
في مكتبن لاهـوب بـارد ولا حـار
لوتمتـره بالمتـر نـص الــوزاره
اسمه وزير ولايـدق لـك مسمـار
يخـاف يفقـد منصبـه واعتـبـاره
وان رحـت تشتكـي جـوك بعـذار
معه اجتماع وشوف ماسـول غـاره
وقالـوا تلفونـك يكفـي وش صـار
مشكل غلا الاسعار نـدرس قـراره
من بعد عشر سنين نصدر لنا اصدار
اليـا فهمنـا العولمـه والحضـاره
تكفى يابومتعب ترى الشعب محتـار
نشكي غـلا فالسـوق تشـب نـاره
والشعب يغلي شايف الغبـن صبـار
ونخاف من يـوم تشـوف انفجـاره
وحنا نعرف انـك لنـا والـدن بـار
والله بيـده الكـون شـره وخــاره
ولو ما نحب ملوكنـا سـر وجهـار
ماكـان لمحنـا لـهـم بـالاشـاره
ياملوكنـا ياعزنـا النـاس الاخيـار
الشعب مثل الجمـر يقـدح شـراره
وان مالحقتونا تـرا وضعنـا غـار
الصبر مر ونـذوق طعـم المـراره
وعلى التجاره صـدر الامـر تكـرار
بمشاركـة سلمـان اميـر الامـاره
والنـا الامـل بعـد لفـت الانظـار
امن الملـك لكـن مـن مستشـاره
اليانشدهم قالوا الشعـب فـي خـار
ولامنهم اللـي قـال صـح العبـاره
ونيـة ملكنـا طيبـه ويـن ماسـار
والشعب يهتف لـه ولايبـي غـاره
وهذا وصلى الله على سيـد الابـرار
ويكفيك عن كثـر الكـلام اختصـاره


مجاراة الشاعـر: عيـد بن حطاب العتيبـي

قالها الشـاعـر: عبـدالعزيـز الكســر المرشدي




يانـــــــاس لاتبكـــــــون من رفـــــع الأسعــــــار
الصبــــــــــر مفتـــــــاح الفـــــــــرج بانتـــظـــــاره

توكـــــلوا بالله هو النــــــــــــافع الضــــــــــــــار
اللــــي تــــولى الفيــــــــل وأهـــــل الحجــــاره

والله لو صرتـــــوا على الغـــــــــار والنــــــــــــار
وحذفتـــوا أنفسكـــم من أعلـــــى العمــــــــاره

المشكـــــلة ماهيــــب بالحــــــب والفـــــــــار
قـــتـــــــــله بسيــــــــط ولايبي لــــه خســــــاره

الفــــــــــار مايبغـــــــى سلوقـــــــي وصقـــار
حتــــى ننـــــــــادي لـــــــه رجـــــال الصقـــاره

سمم عشـــــــاه وحط له كيـــــــك وفشــــــار
حتـــــــى يمــــــــوت الفـــــــار داخـــــــل خبـاره

لكـــــن فيـــــــه علـــــــوم كبـــــــار وصغـــــــار
ومنــــظمــــــات ماتبـــــــي قطـــــــع إشـــــــــاره

محميـــــــتن فطريــــــــــتن والخبــــــــر ســـــار
ممنــــــــوع صيــــــــد البـــــر حتــــــى الوبــــــاره

روحـــوا بعيــــد عـــن المشـــاكـــل و الأخطـــــار
تــــــرا الحيـــــايـــــا في فـــــــــــواه الحجــــــاره