مرثية الشاعر : صالح عواض النخيش في الشيخ : محمد بن زايد النخيش

[طارق النفيعي]

( والله فقيده ياعرب )

في ظهيرة يوم الأحد 4 / 8 /1430 هـ تلقيت خبر وفاة ركن من أركان القبيلة

وثلمة سيف من سيوفها ودرع من دروعها الشيخ/ محمد بن زايد النخيش

وتم التاكد عبر الأتصال باأخي وموقع البجادية الألكتروني فلم آستوعب الفاجعة وتلك المصيبة

وكنت أتذوق الشعر قبل سنين وقد هجرته لظروف العمل وأنشغالي فكتبت هذه الأبيات.

ليت الخبر مانزلته الجرايد =ليته خبر كذاب من مغرضله
لكن قضى ربي وقدره وكايد=والعبد ياتيه الأجل في محله
سهرت ليلي واليدين الوسايد =كني عليل(ن) مالقى طب عله
شعمت ضوي والقصايد وقايد =بكتب رثا في كل نوت ومجله
والله فقيده ياعرب ابن زايد =سيف المضام إليا أنتخى ثم سله
أنا أشهد أنه شهم وامير قايد =وكل الصفات المجزيه فيه كله
شيخ(ن) رقى بالمرجله كل نايد =واليا هرج كل(ن) سكت حشمتله
شيخ(ن) بمنطوقه يحل العقايد =اللي ليا صعبت على الغير من له
شيخ(ن) ضيوفه مصدرين وورايد =والنار مشبوبه زهاها 1000 دله
شيخ(ن) يقدم حيل ماهن عرايد =ماهو تصنع بالكرم بل ! جبلَّه
شيخ(ن) يمد ومدته بالزوايد = كم(ن) تفيا من ضعيف(ن) بضله
لكن عزانا فالشبول الفرايد =تأخذ من محمد سلومه ودله
ياالله يا محيي الرميـم الهمايـد=يا غافر الذنب وخطاء وكل زلـه
ياالله تسْكن جنتك ابن زايد =وتقبل دعاء من خصه بدعوتله

المتذوق للشعر : الرائد الركن : صالح بن عواض النخيش

التوقيع

أخوكم : طارق النفيعي

آخر تعديل طارق النفيعي يوم 31-Jul-2009 في 09:10 PM.