ذكرتك يا مسافر من زمان ولا قدرت انسـاك::"::خذاني شيء من ذكراك ولا ادري وين ودانـي

[آلاد غنـــام]

ذكرتك يا مسافر من زمان ولا قدرت انسـاك =خذاني شيء من ذكراك ولا ادري وين ودانـي
تخيّل كم سنة مرت وانا واقف علـى الشبـاك =وعيني لآخـر الشـارع تودينـي وتنسانـي
تتوه مسافرة بين الوجـوه ونفسهـا تلقـاك =ولا تلقاك وامسح دمعها بسكـات و"القانـي "
وحيد اتخّيّلك جالس تسولف لي على مركـاك =سوالف حب واتخبّى تحت رمشك عن احزانـي
وتضحك والمحك غيمة ويلمع برق بين شفاك =ويستر شعرك الدنيا وينسـى البـرد عنوانـي
واضيع بهمسك وتمطر براءة وارتوي من ماك =واعود من الجفاف احيا وينبت عشب وجدانـي
وتشرق شمس نظراتك على وجه الاماني ذاك =واشع الوان طيف وتنكسر في خـدك الوانـي
ويغرق عطرك الغرفة واشمّه وامسك بيمنـاك =واحلّق في الفضا عصفور طاير وانت باحضاني
ويصرخ هالجدار بكل حرمان السنين "اهواك" =ويرجع بالصدى "عبد الحليم" وتختفـي ثانـي
واناديلك تعال ويطفي الشارع وامـوت هنـاك =ورى الشباك في الظلما على طاريك وحدانـي

الشاعر / سلطان مطلق الغنامي

[عبدالله الجـــذع]

الله يستر عليك يابو مطلق

شاعر لابد له من ظهور رغم انف الاعلام


الف شكر ياولد غنام


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[آلاد غنـــام]

الطيب منبعك يالجذع انت طيب واصلك طيب