:::حفل آل عتيق الحلاحلة لشيوخ العقايلة وضيوفهم في مهد الذهب:::

[عبد المحسن الحلحلي]

تحيه عطره


واسعد الله جميع اوقاتكم بكل خير


في ليلة مميزه ورائعه ، اثبت فيها آلاد عاصم أنهم رقم صعب في كل وقت وكل حين


بالفعل شي يشعر المرء بالفخر والاعتزاز عندما يشاهد اجتماع ابناء العمومه مع بعضهم البعض


في حفل رائع وفي مكان بعيد جداً وبالتحديد في محافظة مهد الذهب التابعة للمدينة المنوره


وعلى شرف شيوخ العقايله اقام رجل الأعمال المعروف وعضو المجلس المحلي بمحافظة مهد الذهب الشيخ/ عبدالله بن علي بن عتيق الحلحلي العصيمي، وابناء عمومته آل عتيق.


وقد حضر عدد كبير من شيوخ واعيان وابناء قبيلة العصمه ، وكذلك مشاركة عدد كبير من مشائخ واعيان قبيلة مطير وقبيلة حرب وعدد من القبائل المجاورة


وقد حضر كلاً من:


الشيخ/ ذعار بن ناصر العقيلي " امير مركز ام سريحه"
الشيخ/ خالد بن محمد العقيلي "امير مركز البدائع"
الشيخ/ مشاري بن محمد العقيلي
الشيخ/ سعود بن عساف العقيلي
الشيخ/ فهد بن عساف العقيلي
الشيخ/ تركي بن ذعار العقيلي
الشيخ/ محمد بن ظافر بن محمد الشويب الحلحلي
الشيخ/غازي بن محمد بن رده أبو جباهه الحلحلي
الدكتور/ناصر بن محمد بن رده أبو جباهه الحلحلي
الشيخ/محمد بن عايض بن حمود الشويب الحلحلي
الشيخ/خضر بن عايد بن سحلي الشويب الحلحلي
الشيخ/عايض بن سلطان بن رده أبو جباهه الحلحلي
الشيخ/ حثيري بن عياد الشويب الحلحلي
الشيخ/ عبدالله بن حماد النبعاني العصيمي
الشيخ/ نجر بن عوض العسيلي النفراني
الشيخ/ مستور بن فاهد الشفيعي "شيخ الشفعان من العصمه"
الشيخ/ حمود بن حسن بن خيشوم
الشيخ/ غالب بن زيد ابو كتيفه
الشيخ/ نقاء بن حسن بن خيشوم
اسد النباعين الشاعر/ عبدالله بن دخيل الله بن دهيران العصيمي
الشيخ/ رزاح بن مفرح الشويب الحلحلي
الشيخ/ ماجد بن محمد بن دهيم العصيمي
الشيخ/ سعد بن محمد بن دهيم العصيمي
الشيخ / محمد بن سند الحلحلي
الشيخ/ سلطان بن عبدالله الشويب الحلحلي


وعدد كبير في الحقيقة من اعيان العصمه لا تحضرني اسمائهم وليعذروني على التقصير "جل من لا يسهوا"
وكذلك حضر عدد كبير من شيوخ وأعيان قبيلة مطير وقبيلة حرب وشيوخ القبائل المجاوره وعدد من اعيان وكبار محافظة مهد الذهب
وكذلك حضر عدد من ابناء قبيله عتيبه المتواجدين في تلك المنطقه والذين شاركوا ابناء عمومتهم في حفلهم ووقفوا معهم في ماقفهم.


وقد قامت قناة "المرقاب" بتغطية الحفل إعلامياً وسوف تقوم بنقله قريباً بإذن الله


وقد ألقى الحلاحله حداه ترحيب بجميع الضيوف القاها الشاعر مطلق بن محمد الحلحلي

يامرحبا مليون بالضيفان=مليون مع مليون ترحيبه
ترحيبة عنوانها الصفطان=مافيه لاشك ولا ريبه
ترحيبة تقطع ضمى الضميان=عنوانها الصفطان والطيبه
واثني الترحيب للشيخان=ابناء الرجال اللي لهم هيبه
عيال ناصر جدهم شجعان=من لادرى بالعلم يدريبه
اهل خيل تنزل الميدان=والفعل طيب يوم اماريبه

وبعد ذلك دخل وفد قبيلة حرب وقد قام أحد شعرائهم وهو الشاعر/ محمد بن حامد العوفي بإلقاء حداة قال فيها:

الأوله سلام للي من سنين ومن سنين ومن سنين امصادقينه
كل القبايل من حروب ومن مطير ومن عتابه عارفينه
ولحضر والبدوان في قلوب الصغار من الكبار مسجلينه
لجله وفي لأهل الوفاء لجله نقي لأهل النقا ذاك العصيمي من عتابه عزوته برقا ليا جات العزاوي

والثانية راع العلوم الطيبه يجزى بطيب
اليا دعانا نستجيب احروب عملتنا ثمينه
حنا الحروب اهل النقاء واهل الوفا
ما نعطي الصاحب قفا والطيب لاهله حافظينه
جينا لعبدالله علي وابشر بنا يابو علي
ياللي سقيت الاولي موقفك حنا محتمينه
لأجلن الاول قال له قول وصدق
يقول من صادق ثلاثه ما خسر
صديق مال وطيب والثالث ليا جات الدعاوي


وقد رد الحلاحلة عليهم وقد القى الحداه بناخي الحلاحلة الشاعر المعروف/ محمد بن قبلان القثامي

الاوله يامرحبا ياحرب ترحيبه وفاء ننقى لكم السمينه=الله يحي من حضر عند الطلب ونقول الله لايهينه
اهل الفزاعات والعادات والوقفات وحصونن حصينه=بعد دعيناكم وشرفتم محل الاد عاصم يابعيدين النهاوي
والثانيه سلمكم الله والصداقه بيننا تبقى عراويها متينه=حنا عتيبه من مواقفنا نعز اللي يقدرنا ويحرم مانهينه
لطامة العايل ونرسي في المواقف مثل ماترسي السفينه=فعايل غنا بها التاريخ وان طال الزمن يحكى بها راوي لراوي


ثم بعد ذلك بداء الحفل الخطابي بآيات من الذكر الحكيم ألقاها الشيخ/ عيد بن نايف بن عتيق


ثم كلمة ترحيبيه لرجل الأعمال وعضو المجلس المحلي بمحافظة مهد الذهب الشيخ/ عبدالله بن علي بن عتيق الحلحلي

ثم ألقى الشيخ/ سلطان بن عبدالله الشويب الحلحلي كلمة الحلاحله رحب فيها بالضيوف وشكر آل عتيق على حسن حفاوتهم واستقبالهم وكانت كلمة رائعه من أجمل الكلمات في ذلك المحفل المميز


ثم بعد ذلك القى الأستاذ/ بدر بن فالح العتيبي قصيده نيابه عن والده.


ثم ألقى الشاعر/ عبدالمحسن بن محمد بن مصلط ابو جباهه قصيدة ترحيبيه قال فيها:

هاض الضمير اللي للأمثال مشتاق=مثايل يطرب لهن النشامى
من هيض فيض اخترت للطرس ما لاق=نوادرٍ تشرح كثير الكلاما
عوبٍ شرايدهن رفيعات الأذواق=شردٍ كما حليا فقوح الأداما
واسترسل الخاطر وضاقن الأوراق=من كل حدبٍ فوقهنه تهامى
مشاعرٍ من شاعرٍ للعلا تاق=يتعب على جزل الفعول الجسامى
متخالطٍ فيها من الطيب ترياق=وأزكى من عطور النفل والخزامى
في محفلٍ يجمع عريبين الأعماق=على الكرامة جامعين الكراما
حفلة بني عمي ولاني بمتّاق=عقب اندبونا طيبين المقاما
حلة بني عتّيق رفيعين الأخلاق=بيضٍ لهم في عاليات العداما
ذخاير اللي ذكرهم بالملا فاق=حلاحلة وموردين السهاما
يا مرحبا مع كل نسمة ورقراق=بضيوفنا من حد شرقٍ وشاما
ترحيبةٍ مثل أبلج الصبح شعّاق=وأحلا غنا من راعبيّ الحماما
واعداد همّال همى عقب برّاق=واعداد من كّبر وصلى وصاما
باللي لهم مع قمّة المجد ميثاق=حازوا من المجد الرفيع السناما
معدلين العُوج يوم العَوَج ضاق=لضيا مواقعها صليب العظاما
البيت ما يبنى بلا طنب ورواق=وعمودنا عاصم رفيع المقاما
قبيلتي فيها التماديح تنساق=النعم مكسبنا ما بين الأناما
للضيف ريف وللمعادين تفاق=عوايدٍ تذكر لقطم الحزاما
والحمد لله ما دخل بغض وفراق=من بيننا وصلة رحم
في ظل ربي مغدقٍ خيره اغداق=ومن ثم ظل معطرين الحساما
بارق هلا العوجا على العز خفاق=نمشي على حسب الأمر والنظاما
ما همنا قومٍ على كذب ونفاق=اللي تقص من اللحم ثوب خاما
نقالة الهرجة وسيعين الأحداق=طبع اللئام توّرثه للئاما
مجنا غراب البين بالكذب نعّاق=يطمن ليا شاف أشقر الريش حاما
وختامها واعداد ما لاح برّاق=على النبي أزكى صلاة وسلاما

ثم بعد ذلك ألقى الشيخ الشاعر/ غالب بن زيد ابو كتيفه قصيدة قال فيها:

يابو علي قريحتي صايم لها عدة شهور=والليله الليله تحقق عيدها وافطارها
يابو علي وصّلتني دعوتك وابشر بالحضور=لا تستهم من الامور كبارها وصغارها
الكبد تبشر بالروى والعين تبشر بالذرور=والناس تبشر بالفعول اللي تشوق انظارها
دعوتك ماجتني على شان العشاء ولا الفطور=دعوتك تعنيني وانا اعرف بعدها واسرارها
ياهاجسي لو سمنت الاعذار مانته بمعذور=دعوة بني عمّي بعد جتني وجب محضارها
دعوة بعيدين النظر دعوة طويلين الشبور=ربع ٍ تقدرني وانا حرص ٍ على مقدارها
عوارف ٍ من روسها يوخذ من الاشوار شور=عيّات دون احلالها واموالها وديارها
ياهاجسي ياهاجسي مانته بضاري ٍ بالقِصور=دوّر على اللي تتعب الشعار واخذ خيارها
لا تاسم الا كل عوباً ما تشوف من الغرور=ما كيّفوها عالم الساحه ولاشعارها
اضرب لها دوّْ الخلا وارقب لها مثل الصقور=اللي على روس الشواهيق الطوال اوكارها
تكفى وانا خابرك راع العمله اللي ما تبور=لو يرتخي سعر الذهب ما يرتخي مسعارها
اما تجي الفكره بكر وارضي بها ذوق الحضور=ولا بلاش الله يبارك فيك من تكرارها
اما رقيت بها الجبل ولا سبحت بها البحور=شمّ الجبال وصيدها والغبّه ومحارها
الشعر ديوان العرب نبض المشاعر والشعور=وخلاصة افكار الرجال اللي تعد افكارها
الشعر قطفٍ من زهر والشعر نحت ٍ من صخور=الشعر عمله نادره في وزنها وعيارها
وباسمي وباسم اللي لهم فوق المهار القحص دور=سمو الشيوخ اللي عسى ربي يمدّ اعمارها
واسم الرجال اللي تواجدهم يزيد النور نور=سلام ياربع ٍ تقابل بالشحم خطّارها
ياهل الفعول اللي تنومسنا على مر العصور=وياهل الوجيه اللي تبشر بالسعد من زارها
وياهل الرماح اللي ليا ناشت معاليق الصدور=على قِبَل تظهر فواد الرجل مع مظهارها
ياذخر جدّي يا دروع الجنب وحزام الظهور=لا غيّم البارود والعذرا رمت بخمارها
انتم يالاد الحلحلي يامروية حد البتور=صلب العظام ليا كسرتوها بلش جبّارها
يوم الهنادي تعتقب والخيل والبندق تثور=في ساحة ٍ يحجب سنا شمس النهار غبارها
قدام ابو تركي يقيم العدل ويمد الجسور=ويوحد الاشتات والفتنه يطفي نارها
لولا الفعول الغرّ ماغنّيت بالصوت الجهور=بين الجموع اللي تبا بكره تذيع اخبارها
والمبتداء والخاتمه يالله يالله ياغفور=عفوك ليا جتك النفوس محمله باوزارها

ثم بعد ذلك القى الشاعر/ محمد بن فنيس الحلحلي قصيدة قال فيها:




مرحبا يآل العقيلي عريبين الجدود
مرحبا في حلة تفتخر برجالها
مرحبا عداد ما لاح برق وهب نود
في حلال عامر والسعد يبرالها
مرحبا بضيوفنا مرحبا في حلال جود
في حلال آلاد عاصم يظل ظلالها
مرحبا في مرحبا مرحبا بكل الوفود
ابن علي قالها وكل عصيمي قالها
النشاما كل ليل لها عيد يعود
وليلة الجمعة لنا عيد هل هلالها
يوم جينا الحفلة اللي تشع بها العقود
عارفينن عمها عارفينن خالها
ما يسد اللازم الا قويين العضود
مثل عبدالله برك للحمول وشالها
الجمل يشتال حمله ولو انه ضهود
فوق متنه ينقل خفافها وثقالها
ابن علي وافي ولا على الوافين زود
المراجل والمدايح شرب فنجالها
حنكه عوده عليها وهوه في المهود
ثم عشقها واحتوى دقها وجلالها
طيب للطيب باذل كل الجهود
وان حصل فيها شرابيك هو حلالها
عاقل ما يستمع في النمايم والحسود
طيب رأس وطيب ساس كم جزيلة نالها
من نصاه بلازم له يبى يرقى سنود
وان لفوه أهل المواجيب طّيب فالها
والحقايق والوثايق تثبتها الشهود
لي شهود في جنوب الدير وشمالها
الولد دايم وراء هقوة عزاته يزود
وان حصل طاريه بالطيب يشرح بالها
واشهد ان الطيب ما يجحده غير الجحود
الجحود اللي يذم العرب وافعالها
وكل طيب يا عسى الله يديمه في الوجود
واعرف ان الطيبة ما نعيش الا لها
وان تذكرنا زمان تشب ابه الزنود
يوم دورات الرحى فال الله ولا فالها
يوم ركض الخيل يشبه لزلزال الرعود
وقوم تنطح قوم بسيوفها وسلالها
والمشاكل دايره منها يصحون الرقود
ذا قتيل للأعادي وذا قتالها
لي عزاة تردع الخصم لاهاب الشرود
عن نحانا كل قوم يزيد جفالها
لآد عاصم عزوتي ما يبوقون العهود
ولوم محازمنا قطم صغرها في جالها
يا عتيبه كلبونا لدولتنا جنود
دون حد بلادنا سهولها وجبالها
يا عزاتي يا عتيبه جنود ابن سعود
مرخصين أرواحنا لو يجي مجالها
والقبايل كلها لو يجي يوم الصمود
تحتمي ميقافها وحدودها واحلالها
وقتنا هذا نعم وامن وطب للكبود
تضحك ايام السعد للعرب وليالها
نحمد المولى على اوضاعنا سهود مهود
ثبتوها آل السعود جمل الله حالها
كل قول يختمه ريح مسك ودهن عود
ويا صلاة الله على اللي الضلالة زالها


ثم بعد ذلك ألقى الشيخ/ خليف بن سرور المطيري قصيدة سلام وتشريف قال فيها:




سلام يا لآد عاصم يالرجال الكرام
واللي تشرف بدعوتها وضيفانها
من المطيري يسوق الشكر لأهل المقام
عبدالله بن علي يشكر على شانها
ولابن العقيلي تحية صدق معها احترام
شيخٍ لقومٍ صنوف المجد عنوانها
وآلاد شجعان في المجاوب بدر التمام
تحدثت عن فنون الفخر ركبانها
وصلوا على المصطفى عداد وبل الغمام
وعداد من طاف بالكعبة على اركانها


ثم بعد ذلك ألقى الشاعر/ سلمي بن خليف قصيدة للشاعر/ خليف بن مطر المطيري قال فيها:




جينا نشارك بالشرف والمروة
تقدير للضيفان واهل العزيمة
جمعتنا لجل المحبة وخوة
ولك علينا حق شيمة وقيمة
لو اتمنى ما تجي بالمنوة
مبروك ما سوت يمينن كريمة
يابو علي مقداركم بالعلوة
علاقة الابوان معكم عظيمة
واليوم حنا أخوان مافيه لوه
نيه على ما قيل نيه سليمه
ننهج على السنة ودرب النبوة
وحكماً بشرع الله عسى الله يديمه
صارت صداقة عقب هاك العدوة
اهل الوطن واهل الجواز المقيمة
الملحد اللي مطفٍ الله سوه
قضو عليه اهل العقول الحكيمه
حكامنا آل سعود حكمة وقوه
الله مسلطهم على أهل الجريمه
انا عضيلة من مطير السموة
اهل الفعول المعجزات القديمة
تختم بذكر مكون الكون توه
سامك سماها وارضها مستقيمة
صلوا على رسول الهدى والأخوة
على نبيٍ للهدى والغنيمه


ثم بعد ذلك القى الشاعر/ سلمي خليف بن مطر المطيري قصيدة قال فيها:




اشعلت فكري بالقصائد وغنيت
واسهرت عيني للوجيه المسافير
وصخرت قافي بالمعاني وسويت
سويت ما يرضي جميع الجماهير
وجتني بيوت الشعر بيتٍ ورى بيت
ولا اختار منها الا الجزل واترك الغير
وانا ليا مني تزهلت سديت
وقت اللوازم ما تفيد المعاذير
وجينا نشارك حفلت اللي لهم صيت
اصحابنا عتيبه الرجال المناعير
وجتني عزيمتهم وفالحال لبيت
عندي لهم فالقلب حشمة وتقدير
ومن شانكم يا أهل الكرامه تعنيت
تستاهلون الطيب في كل تعبير
وسارت خطاي من الغلا شوفني جيت
يا ولد برقا شوفتك طلت الخير
وانا اتشرف يوم للحفله ادعيت
في حلت اللي ما تحسب المخاسير
وجاين بمثل عزوتي لا تعزويت
ولاني مطيري كان ما امثل مطير
الرأس يشوش ويرتفع كل ما اوحيت
اسم المطيري كالسيوف البواتير
ناقف يلوا اخامنا أكبر عفاريت
ما همنا عنتر ولا سالم الزير
وعن موقف أهل المعرفة ما تخليت
امطير تاقف فالمواقف طوابير
والنعم في كل القبائل لهم صيت
قوماً ليا جات اللوازم نواحير
وفي مدح ربعي والقبائل ما وفيت
والمعذرة منكم ليا صار تقصير
وانا ادعي الله كل ما اصبحت وامسيت
الله يوفقنا على خيره وخير


ثم ألقى الشاعر الشاب/ عبدالله بن عبيد بن مساعد العصيمي قصيده قال فيها:




اقدحي يا نار في روس الفتايل
واستعيري لمعة النجم ولهيبه
والوسام الأبجدي صيد الأوايل
في شروق الوقت ولا في مغيبه
والرجل ما يكشفه غير الصمايل
لو يدور للفخر مثل الذهيبه
حي منهو فاللقا يابس بلايل
وفي لزومه لا وقف له يندعي به
ربعي عتيبه متعبه الأصايل
لا غدى كل يماري في صحيبه
ولو اخيل البرق في عرض المخايل
ربعي عتيبه متعبه النجيبه
مرحبا في مرحبا والشك زايل
في محل الطيب والنفس الرحيبه
مرحبا بشيوخنا والراس طايل
مرحبا في مرحبا والجمع هيبه
يالعقيلي يا عريبين السلايل
في حضورك يفخر الطيب بطيبه
ذكركم كالشمس في عز القوايل
عز للعاني وللعايل مصيبه
باذلين الطيب في شتا الوسايل
ومن يودي العلم ملزوم يجيبه
يا هلا فيكم يا كساب النفايل
يا عتيبه يا عتيبه يا عتيبه
في محل الحلحلي وافي الخصايل
لين الجانب فكاك الطليبه
ريح عود وريح بن وجرم حايل
ورحب صدر وفرحة ماهي غريبه
جمعكم في حلته مفرح وهايل
من بعيد الناس والا من قريبه
العصيمي وقفته بين الحمايل
فرقها فرق البعيده والقريبه
العصيمي ما يجيها بالتحايل
بندقه نيشانها وسط الضريبه
قلتها والله يعدل كل مايل
في زمان غثربو صافي قليبه
الزمان اليوم سواله عمايل
والشجيع اليوم حظه منتويبه
مير تقوى ربنا كل الدلايل
ومن توسل غير ربه ما يثيبه
واسمحولي والمعزه والأوايل
من عتيبه من عتيبه من عتيبه


ثم بعد ذلك القى الشاعر المبدع/ محمد بن قبلان القثامي (بناخي الشوايبه من الحلاحلة من الشجاعين من العصمه) قصيدة قال فيها:

للمقامات الرفيعه من قصيدي الف ليله=كلّ لحيه مانقللها وتعطا منزلتها
من اهجوسٍ تفتح اقفال البيوت المستحيله=جيت اوردها بعد حطيت وسمي برقبتها
الهجوس اسجها والفكر في الّلازم دلِيله=بعد جات اغلا البيوت النايفه ومناسبتها
مرحبا ترحيبةٍٍ ترقا على راس الطويله=عند من يسبق نباها0 قبل تقديم اقهوتها
مرحبا عداد مازمجر من القبله مخيله=والقصيده والبيوت اللي حوتني 0واحتوتها
بالنيابه عن عيال العود متعبت الاصيله=مرحبا بشيوخ قومٍ في المعالي مرتبتها
مرحبا في مرحبا حييت ياشيخ القبيله=مرحبابك والقوافي والتحيه مفردتها
مااتنقا وآتخير في السّمان وفي الجزيله=غير لصحاب الاشده والرّجال اللي حمتها
محزمي ياذعار0 ماجيت اتغنا بالهزيله=الجزيله في حضورك والمشاعر حركتها
يشهد الله 0ماتكفي نعم في حقك قليله=والمدايح في طلبها ماأنثنت عن لازمتها
ياسلايل من قدح بالزند في راس الفتيله=والكبود اللي بشلفاه اطعنتها0 وشلعتها
باليمين اللي لها تاريخ ماعاشت ذليله=كم كم وكم كم من الشوارب جندلتها
في نهارٍ فيه قطمان المحازم 0ترتكيله=عزوةٍ لك0 ماتِغيّرها مناهج عولمتها
في زمانن فيه كلٍ قام يومي بالصقيله=والعرب ماعاد يِعّرَف هرجها من تمتمتها
والحقيقه0 مايغط الماء هيالك يالنثيله=الحقايق بيّنه واهل الصحايف سجلتها
ماورى سود النوايا0 غير علقم حنظليله=تنكشف لوباألّحِيل قِدمَ الأوآدم دمدمتها
وآتشرف يوم اصافح راعي اليمنى الفضيله=وطيبتٍ تفرض على من لايعرفه سلطنتها
للعقيلي0 ياالجماهير الغفيره صفقيله=ماعلينا من مجانين الزمان وعنجهتها
قلتها بسمي وانا ماني على خلقه وكيله=كلمةٍ مني شهاده0 والجماهير اسمعتها
جيت اشارك 0مع خوالي0 شاعر وعابر سبيله=مايغط النورمن مبدا القصيده لآخرتها
من سلايل عسكر البارود ورجال الصميله=ربعي الآد القثامي والقبايل خابرتها
والشهاده0 من ولد قبلان والنيّه نبيله=بعد جات مناسبتها واتضح وسم رقبتها
واعذرونا0 في القصوروبارك الله في القبيله=والتحيه والسلام ورحمة الله خاتمتها

ثم بعد ذلك القى الشاعر/ محمد بن حامد العوفي الحربي حداة الحروب

الأوله سلام للي من سنين ومن سنين ومن سنين امصادقينه
كل القبايل من حروب ومن مطير ومن عتابه عارفينه
ولحضر والبدوان في قلوب الصغار من الكبار مسجلينه
لجله وفي لأهل الوفاء لجله نقي لأهل النقا ذاك العصيمي من عتابه عزوته برقا ليا جات العزاوي

والثانية راع العلوم الطيبه يجزى بطيب
اليا دعانا نستجيب احروب عملتنا ثمينه
حنا الحروب اهل النقاء واهل الوفا
ما نعطي الصاحب قفا والطيب لاهله حافظينه
جينا لعبدالله علي وابشر بنا يابو علي
ياللي سقيت الاولي موقفك حنا محتمينه
لأجلن الاول قال له قول وصدق
يقول من صادق ثلاثه ما خسر
صديق مال وطيب والثالث ليا جات الدعاوي


ثم بعد ذلك جاء موعد الإبداع مع اسد النباعين الشاعر/ عبدالله بن دخيل الله بن دهيران العصيمي وقد القى قصيدته الأولى قال فيها:

باسم القبيلة والمعزب مرحبا ترحيبة باللي لفاء
ياللي لفيتنا وجيتونا على وضح النقا
انتم ترى يا حرب اهل الوفا وانتم ترى هل الطيب وأول من بدى
وحنا ترى للضيف ريف ونذبح الحايل وهذا المبتدأ
عز الرجال بدينهم ثم بالسلوم الطيبة بالمدن ولا بالقرى
هذي سلوم اللي لا منه حكم يحكم بعدل ولا يميل
وخليف من روس الرجال اللي عزاويه تجري من سرى
آلاد عباد ان ذكرناهم نبي نذكر مطير اللي يردون البرى
مطير حمران النواظر مشبعين الطير والسرحان لامنه عوى
وربعي عتيبه هم هل الطالات عادتهم يلبون النداء
دون العقيده والوطن رجالهم روحه فداء
تاريخهم يشهد على ما قلت صح ابلا خطاء
هذا الصحيح وكل ما قلته ببرهان ودليل

ثم ألقى قصيدته الثانية بعنوان "يا ملكنا عشت عشت" قال فيها:

من هجوسي يا سلامي من ضمير صادق=للرجال أهل الوفاء والقدر والجاهيه
وعد ما هلت مزون ولاح فيها بارق=مرحبا بك يالعقيلي شيخنا وتحيه
والتحيه للحضور بحفلنا اللي شارق=شارق نوره سوات الشمس بالظهريه
في محل ابن عتيق وكل شي موافق=والعلوم الطيبه فيهم من الجديه
ربعي اللي فعلهم لجل القبيله سابق=للمواقف ثابتين ويحتمون الهيه
يوم تجريد السيوف وضرب رمح زارق=دارهم من فعلهم بأمر الولي محميه
لعتزوا بالجد الأول كل خصم يفارق=هيبة منهم يخاف يصير له مثنيه
من ركون عتابه اللي كل شخص واثق=واثق بالله ويدعي في صلاح النيه
والشريعة في بلدنا حكمنا ونسابق=بالتطور كل دوله لو من الغربيه
والملك عبدالله اللي شايل بالعاتق=هم شعبه لين صاروا مالهم نديه
بالتميز لين صرنا للسحاب انعانق=والأمن ببلادنا وأمورنا مقضيه
يا ملكنا عشت عشت وكل شعبك عاشق=عاشق شوفك وحبك بالقلوب الحيه
ومن هجوسي يا سلامي من ضمير صادق=للرجال أهل الوفاء والقدر والجاهيه

ثم بعد ذلك طلب رجل الأعمال وصاحب الحفل الشيخ/ عبدالله بن علي بن عتيق الحلحلي من الشاعر/ عبدالله بن دهيران قصيدته وعرضة قبيلة العصمه في المزاين وهي القصيدة المشهوره والمعروفه "سلالة عاصم" الذي قال فيها:

ياسلام الله سلامن وافتخر بالابه=لابتن يوم المزابى رجلهم ماهابي
واسمعوا قولي هذا ثم اكتبوه اكتابه=من لسان اللي حضر في ماقفه ماغابي
يوم ابن نبعان قال القول ثم غنابه=لاجل ربعي بادين في عالي المرقابي
عزوتي يوم المغازي دولة حرابه=تحتمي الماقف بفعل وترهب الاجنابي
خصمهم لاجت دعاوي مايقول الجابه=لوتسنوى له بفعل يعتبر كذابي
وصفهم بين القبايل مثل اسودالغابه=من نصاهم باللوازم كاسبن ماخابي
العقيلي راعين للحفل من ترحابه=من حضر في ماقفه واللي تاخر هابي
شيخ من جده وعز الياتعزوينابه=يشهد التاريخ واللي يعرف الانسابي
من سلايل عاصم اللي ينتمي لعتابه=يوم لضيا في يمينه وثق المضرابي
راعي الدرمه واخذها لين كلن هابه=غصب خلوها رجال تفتل الاشنابي
فعل جده في تغوث موثقن مخلابه=مع شريف الطايف اللي جمع الاغرابي
والقبيله عزها باللي يشرع بابه=دون ربعه للخصوم يكشر الانيابي
مثل اخو شيخه محمد يوم جات طلابه=يحتمى ربعه من الاجناب والاقرابي
يردع الي معتدي ولايحسب احسابه=لااعتزى يزمي كما ضلعن طويل ونابي
ونعم يالاد العقيلي فعلكم فزنابه=ابنوا البيت الكبير وشدو الاطنابي
قولنا قول الصحيح ولاتراجعنا به=للوطن عسكر جنود وننبذ الارهابي
وعاش ابومتعب ملكنا اللي تفاخرنابه=رافع الهامه زعيم مجري الهيابي
وعاش ابوخالد قضب سيف العدل بنصابه=قائد القوات حامي الدين والاعرابي

تـــابــــع

آخر تعديل عبد المحسن الحلحلي يوم 24-May-2009 في 10:45 AM.