ثم بعد ذلك ألقى الشاعر/ مشرف بن تراحيب المقاطي قصيده قال فيها:
حنا هل الجود والسيفين والنخله
حنا هل الطيب حاضرنا وماضينا
نواصل السير والمركب على مهله
بقيادة اللي بكل الحب حاوينا
عبدالله المجد والتاريخ يشهد له
عاهل بالامجاد يشبعنا ومروينا
حكيم راي وسياسه الكل ينصب له
ليا تكلم يهز الهند والصينا
تاج الزعامه زعيم العرب رشحله
وحد قلوب العرب في مؤتمر سينا
والله ليبطن حمّل مانجبن مثله
صقر العروبه بكل الخير غاطينا
ولي عهده يجيد الحل والفتله
حكمه سياسه على كل الميادينا
سلطان بحر العطا كلاً شكر بذله
بحر العطا ما عرف مرسى ولا مينا
بالجود فايض اشبهبه نهر دجله
سلطان وجه السعد ريف المساكينا
الجيش بقيادته والعلم وجه له
درع الوطن بعد رب البيت يحمينا
وارضٍ ربتنا وضمتنا مهي سهله
بأرواحنا للوطن حنا مفادينا
اللي يساوم بحب الدار من جهله
ما يعرف انه على حبه مربينا
من لا حمى فيه عله ما رجع لهله
اما حميناه جعل تشل ايادينا
نفدى الوطن قبل بالعز نهدفله
والموت لجله بعد ماهو مكفينا
حب الوطن في العتيبي عوده وشبله
من عهد عبدالعزيز من وقت ذالحينا
يوم انتخى بالقبايل كلها جتله
لبة على الفور من حضر وبداوينا
ما همنا من عثوا في ارضنا ختله
في دمه الغدر ينبض في شرايينا
حنالكم قالها لو طالة الرحله
كلام قايد حكيم من الحكيمينا
من خان عهده يابو متعب وجب قتله
لا صار مفسد وخان العهد والدينا
في خاين الدار والله ما نبي مهله
خله بذنبه وحنا الله يعافينا
حنا لها وان نخانا داعج الكحله
دون الحرم والوطن للموت شارينا
ليا غاب حاكم وراثه يخلفه نجله
على الوفا والعدل بالحكم ماشينا
من عهد عبدالعزيز لحد ذا الوهله
يالله عساهم لحكم الدار باقينا
وانهى العتيبي كلامه نقضه وفتله
ويالله من الغدر والارهاب تحمينا
ثم بعد ذلك القى الشاعر/ محمد بن مطلق العصيمي قصيده دينيه رائعه جداً للأسف أننا لم نتمكن من الحصول عليها بسبب ان الشاعر كان يحفظها ولم يأتي بها في ورقه ، ولكن سوف تُنقل ان شاء الله على قناة المرقاب.
ثم بعد ذلك ألقى الشاعر/ عبدالمحسن بن محمد بن مصلط ابو جباهه الحلحلي العصيمي قصيدة وطنيه بمناسبة شفاء صاحب السمو الملكي الأمير/ سلطان بن عبدالعزيز حفظه الله ولي العهد ونائب رئيس مجلس الوزراء ووزير الدفاع والطيران والمفتش العام، وتعيين صاحب السمو الملكي الأمير/ نايف بن عبدالعزيز حفظه الله النائب الثاني لرئيس مجلس الوزراء ووزير الداخلية قال فيها:
الحمد لمدّبر تصاريف الأملاك=يا رب شكري واستغاثاتي إليك
يا المعطي الرزاق من فضل حسناك=يا خالق السبع السموات بيديك
تقبل دعاء منهو ليا ضاق ينصاك=يا ربنا من تحت حكمك مماليك
يا رب عبدك ملتجي دوم بحماك=تعلم خوافينا ونجهل خوافيك
تغفر ذنوب اللي من الذنب ناجاك=يا معدّيٍ موسى بحور التهاليك
أضفيت سترك وأفرحتنا عطاياك=يا ربنا عمت علينا حسانيك
بشرى السعد عمت وجاك السعد جاك=يا دار سلطان السعد مغرمٍ فيك
بشرى لها غنا حمام على الراك=بشرى شفاء سلطان عون المهاليك
سلطان عنوان الكرم لا عدمناك=محبتك فالقلب من دون تشكيك
عقب أصدر الديوان علمه وحياك=وأفرح قلوب بالمحبة تواليك
ماجور يا سلطان والشر عداك=عدد ما تنفق بالمكارم أياديك
لو غبت عنا ما نفارق لذكراك=تنشد عنك في كل ليلة محبيك
وازدادت الفرحة وجا ما تمناك=تعيين نايف من كبار التباريك
يالنائب الثاني ليا أطريت طرياك=ارهبت فيها بالسياسة معاديك
خططك يا نايف تفاكير وادراك=تفكير من حلحل صعيب الشرابيك
نايف على النايف من الطيب مجناك=درع الوطن عز الوطن من مساعيك
يا قمة الأمجاد والعز يزهاك=لا شك ما نلحق معالي هقاويك
ويا دارنا جندك وزندك وعيناك=ما نلتفت لمروجين التشاكيك
ما دام عبدالله حكيمك ويرعاك=درب السعادة والمعزة مماشيك
يا القايد الباني مسدد بمسعاك=أرواحنا وقلوب شعبك تحييك
يا دارنا عبدالله الخير ينخاف=شومي على العليا تعلى معاليك
وبشرى السعد في وقت شوفك وملفاك=يا اميرنا والله يعجل تشافيك
ثم كان ختام الحفل مسك بقصيدة للشاعر/ سلطان بن مسلط الحلحلي العصيمي ألقاها نيابه عنه أبنه شبل الهيلا/ عبدالعزيز بن سلطان بن مسلط الحلحلي العصيمي قال فيها:
مرحبا عد المطر لا هل نوّه
دنّ رعوده ويشعل بارقه
سيله يشيل اللي قدامه بقوه
سالت الشعبان منه وظايقه
مرحبا ياهل الوفا وهل المروه
مرحبا في حلة العتايقه
وعد ما خط الخطيب اللي مفوه
خطبته تعني مواعظ لايقه
وعد نسناس يشوق البال جوه
جوه الغايم هبوبه رايقه
وعد نبت زاهيٍ في الارض توه
وعد ورد فاح في حدايقه
حفلنا الليله نشوش بنور ضوه
نور ليله مثل شمس شارقه
داره رجال صناديد وفتوه
حفلهم قد نظموا طرايقه
ربعي العتبان قوه فوق قوه
يقطعون القلب من علايقه
والعدو يطفون نيرانه وسوه
شان فاله وادبرت بيارقه
من طمع فيهم يطيح بوسط هوه
ساقه الشيطان وخانه سايقه
من طمع فيهم يردونه مشوه
خاب ظنه واكثرت عوايقه
يلطمون العايل ويطفون ضوه
ويذبحون الحايل اللي فارقه
جارهم والضيف واللي منه خوه
ما يجي منهم ردى ومضايقه
ياهل الخيل الأصايل والجروه
خيلهم لا جا الملاقا سابقه
فوقها ابن حميد روّ السيف روّه
ولاعتزا العفار محد طايقه
ابلهم يحلا لها صوت المنوه
صوته يغني لها وترافقه
مد حبلك يالمعادي ثم لوه
تقصر حبال القلوب البايقه
ما يعاديهم يشوف الموت توه
يضربه رمح على مفارقه
وما يصابحهم علا واعلن علوه
صحبة العتبان صحبه فايقه
انشد ابن سعود يوم اقفا عدوه
هم جنوده هم تحت بيارقه
هم معه في بره وبحره وجوه
سجل التاريخ في وثايقه
ما يجي منهم شتيم ولا جفوه
من نصاهم ما تعوقه عايقه
قلت لي قولٍ صريح ما يتوه
تم قولي ووضحت حقايقه
مرحبا ياهل الوفا وهل المروه
مرحبا في حلة العتايقه
حفلنا الليله نشوش بنور ضوه
نور ليله مثل شمس شارقه
وهذه بعض من صور الحفل لعلها تحوز على رضاكم واستحسانكم
تــــابـــع الــصــور