وين أنت يانور العيون وسعدها=طولت بغيابك وصمت الغلا طال
حبك سلب قلبي وعيني هجدها=دمع على فراقك بعد رحت رحال
الجفن عن كل الخلايق جحدها= خوف من شماتت منافق و عذال
والارض لقبل مايغطي وتدها =سال بمحاجرها من الدمع شلال
النفس من بعدك شقاها لهدها=متى بعطف الله شقا النفس ينزال
برجعه اللي كن زمت نهدها=تفاحة البستان في غصن ميال
وكن الدجى الحالك سكن في جعدها =من فوق الصدر الزين متناثر خصال
إن فلته غطى معالم جسدها =يضفي على عود إلامن مشت مال
ردف يميلها والاخر عضدها=عوده ليان وشال خلفه اثقال
والعين عين اللي وكاد هددها =اللي لها في قمة العيط مدهال
سبحان رب عن سواها فردها =اللي قهرة بالزين من تلبس الشال
الذاكرة عادت لسابق عهدها=ساعة رقيت العصرفي راس مطال
لحظة تلاقن العيون ونشدها= قلبي عبرعيني وللعين مرسال
وين أنت في غيبه طولن امدها =قالت ظروف الوقت مع حايل حال
وانبا عن اللي فيه منها وعمدها =في قولته دايم وطيفك على البال
قالت احبك بس الامر ودها=لاأنت بولد عمي ولا انت بولد خال
وزل الغضي في كلمة ماقصدها=لاكنها تازن على العاشق جبال
طويت ماضيها بعالي وطدها=بعد سحبت بعالي الطود موال
ياطير وأن وجهة نية بلدها=بلغ لطيف الروح عن كل الأحوال
وقله ترى هو نور عيني سعدها=في غيبته طول وصمت العنا طال
« آخـــر الـــمـــشـــاركــــات »
10-Mar-2009, 10:53 PM
قصيدة الشاعر بادي بن محمد الهويملي الحربي ... وين أنت يا نور العيون
العرض المتطور
