قادح شرار ابيك بكلمة راس

[عقاب العنزي]

انت ياقادح قبل مده قرينا لك مقاله = مير لاتهضم حقوق الناس من شرق ٍ وشامي
انت رجال ٍ نعدك من رجاجيل الشكاله = وكلمتك مانقصت من قدر عالين المقامي

[عبدالله الجـــذع]

الله اكبر

صح لسانك ياعقااب

وبانتظار المتهم والمدعو قادح

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[قادح شرار]

الرسالة واضحة ... وأنا أعتقد شفت الرساله = لا تكثــّر فالعلوم ... ولا تزوّدي فالكلامي
وأنت غالي عندنا ... بس الطمع فقــّل مجاله = أحفظ تراثك ... قبل يا رجل فالدنيا تلامي

[عقاب العنزي]

انت ياراع الرساله دوب درّجت المحاله = ماألوم ربوعك العتبان ماعطوك الوسامي
منت يارجال للفنون العرب معطى وكاله = شرهتي للي وضعك بمنتدى الهيلا محامي

[عقاب العنزي]

صح بدنك ياعبدالله ولاهنت


,,

[قادح شرار]

ابن وايل كيف ألومه ... يمشي ومايل عقاله = مير ليته ينتظر ... والنور جلاي الظلامي
فننا يا صاحبي ... روح عنه مالك وماله = يوم راس شعيل ... ما أنتم خاطمينه بالخطامي

[عقاب العنزي]

ميلة عقالي طناخه ماهي بميلة جهاله = ياعميل ٍ مايفرق بالحلال إمن الحرامي
لاتكسّر فالبيوت وتدّعي طرق الجزاله = وآنا رجال ٍ ماجامل لاتخطيت النظامي

[قادح شرار]

والله إنا ما نبا نخطي ... على رجال الجماله = مير روّح قبل بقعاء .. تضربك وسط العظامي
بيتنا معمور ... وأنته بيتكم حالته حاله = يا بدو ياللي ...تدقون النجر وسط الخيامي

[قادح شرار]

المشاركة الأصلية كتبت بواسطة قادح شرار

= لا تكثــّر فالعلوم ... ولا تزوّدي فالكلامي

حرف الياء سقط سهوا ً في كلمة( لا تزوّد ) . وأنا أشوف عقاب يقول بيوتي مكسره .

نرجوا من المشرف التعديل .

[عقاب العنزي]

الخطا في حق ضيفك ماهو نوماس ورجاله = يامعازيب ٍ ماتوفي ضيوفها بعض احترامي
مانبا منك شهاده في عريبين السلاله = ياحضر ياللي ... تذمون الرجاجيل الكرامي