انت ياقادح قبل مده قرينا لك مقاله = مير لاتهضم حقوق الناس من شرق ٍ وشامي
انت رجال ٍ نعدك من رجاجيل الشكاله = وكلمتك مانقصت من قدر عالين المقامي

الرسالة واضحة ... وأنا أعتقد شفت الرساله = لا تكثــّر فالعلوم ... ولا تزوّدي فالكلامي
وأنت غالي عندنا ... بس الطمع فقــّل مجاله = أحفظ تراثك ... قبل يا رجل فالدنيا تلامي

انت ياراع الرساله دوب درّجت المحاله = ماألوم ربوعك العتبان ماعطوك الوسامي
منت يارجال للفنون العرب معطى وكاله = شرهتي للي وضعك بمنتدى الهيلا محامي

ابن وايل كيف ألومه ... يمشي ومايل عقاله = مير ليته ينتظر ... والنور جلاي الظلامي
فننا يا صاحبي ... روح عنه مالك وماله = يوم راس شعيل ... ما أنتم خاطمينه بالخطامي

ميلة عقالي طناخه ماهي بميلة جهاله = ياعميل ٍ مايفرق بالحلال إمن الحرامي
لاتكسّر فالبيوت وتدّعي طرق الجزاله = وآنا رجال ٍ ماجامل لاتخطيت النظامي

والله إنا ما نبا نخطي ... على رجال الجماله = مير روّح قبل بقعاء .. تضربك وسط العظامي
بيتنا معمور ... وأنته بيتكم حالته حاله = يا بدو ياللي ...تدقون النجر وسط الخيامي

المشاركة الأصلية كتبت بواسطة قادح شرار (المشاركة 766286) = لا تكثــّر فالعلوم ... ولا تزوّدي فالكلامي

الخطا في حق ضيفك ماهو نوماس ورجاله = يامعازيب ٍ ماتوفي ضيوفها بعض احترامي
مانبا منك شهاده في عريبين السلاله = ياحضر ياللي ... تذمون الرجاجيل الكرامي