حــــــــبيب العازمي قــــــــــــــــــــويه

[شمان العازمي]

:d

	سامح الله من قصدني واعتمدني بالخطيـه من قريبين الجدود ومن بعيديـن الجـدودي دايـمٍ مايفلـح اللـي غيّـر النيـه بنيـه والخطيه كان ماتنقـص تراهـا ماتـزودي خابر انك ماتـروح بعيـد يـاراع الرديـه لو مشيت الفين كيلو ماتعديك الحدودي انـت طرقـيٍ معنّـى لاشـداد ولا مطيـه لا انت فتال العقود ولا انت حلال العقـودي لو تحّزم بالرصـال ولـو نقلـت البندقيـه الرصاص يقل والبندق تذل مـع الشـرودي هبّ وانا راعـي العشـوا وخيّـال العبيـه كيف يارخو العضود تضد مفتول العضـودي والله انـي لا كليـل ولاذليـل ولاعلـيـه مير احسب لي علومٍ مابقي منها وجـودي احسب حساب الرفاقه والمـروه والحميـه حشمة للطيبين اللـي بعضهـم فاللحـودي نظرتي فالطيبيـن ونظـرة الحسـاد فيـه كلها نظرة حسد والعود في عين الحسـودي والله اني ما ادعيت بحجّـةٍ ماهيـب ليـه حجتي ما تنجحد واللي جحدها من شهودي خافوا الله يالقضاه اللي تعرفـون القضيـه الصحيح يسود والباطل مصيره مايسـودي لامطالبكـم بديـن وذمتـي منكـم بريـه مابقي غير العلوم اللي يبيحـن السـدودي بيّنٍ عيد رمضـان وبيّـنٍ عيـد الضحيـه ياعسى الاول يعود وياعسى الثاني يعـودي ياقطن جاتك مزوّعةٍ مـن الحـرّه طميـه مستخفّه عقب كانت لارمـوح ولاهبـودي ساقها عشق الجنون وساعدتهـا الجاذبيـه لين عدتها الجبـال المستطيلـه والنفـودي معجزه في عصرنا الحاضر وعصر الجاهليه الهوى صاب الحجر مابه قلوب ولا كبـودي وين قيس بن الملوح وين ليلـى العامريـه كيف ماينصفهم اللي ينصف ديانـا ودودي!! والعزا فيما بقى واللـي بقـا فيـه البقيـه مرة الايام بيـض ومـرت الايـام سـودي يالله اجعـل خاتمتنـا بالسـلام وبالتحيـه ونتوفى محرمين وفي حرم ربي سجـودي