بسم الله الرحمن الرحيم
السلام عليكم ورحمة الله وبركاته
قصيده الشاعر الكبير سلطان بن وسام الهاجري
في مسابقه شاعر المليون عندما سئل لماذا لم يشارك ..!!
انا يازماني في فوادي ثـلاث اطعـون=ولاهي بطعنه من سيـوف اوسكاكينـي
من افتح ياسمسم والا يافلم ابو كرتون=امورن تغث اكبود حتـى الوراعينـي
وجمهوري الغالي يسوق الشره ويمون=ونا قد شرهات العتـب مـن محبينـي
يقولون ماشاركت واقول هل توحـون=ابي كل واحد يفتـح اذنـه ويوحينـي
لابالله ماشاركت في شاعـر المليـون=لواني على المليون تومـي شرايينـي
ولكن انـا مانـي بخبـلٍ ولا مجنـون=اجي وقطع ارزاق الضعوف المساكيني
والامر ودهلني علي للرجـال اديـون=ومليـون واحـد مايسـدد دياييـنـي
الاياحمام الورق يااللي تجـر الحـون=تغانم زمانك بيـن خضـر البساتينـي
تراها لا ركبت كل جمره على الغليـون=وراد الله انه يصفي الماء من الطينـي
حشرنا الضباء بقرون والابدون اقرون=اقرون الظبي تصلى على النار وتلينـي
مثل ماوطى هامان والاوطـى فرعـون=ثياب الشرف ماتستـر الاالشريفينـي
االاجواد مدت للمواهب اكفوف العـون=وهاذي صفاتٍ من صفـات الكريمينـي
والاقزام تهدم كل ماأهل الكـرم يبنـون=اصروحٍ من الامجاد ماهي من الطينـي
بنتها الكفوف اللي كرمها سحاب امزون=ارموز البطوله نصرة الحـق والدينـي
غضبهم وأنا سلطان يهتز منه الكـون=وكرمهم تربع فيـه حتـى البعارينـي
اجبالٍ قممها فوق والها حجـا وركـون=اليا مر طاريها على الـراس والعينـي
بطولـه عربيـه وتاريخهـا مصيـون=عن الاستهانـه باالقيـم والقوانينـي
واليامن لحقني من زماني جفا وغبون=تذكرتهم ومسيـت فـي راس علينـي
عساالله يهونها على الناس لين اتهون=وتزين القرايه فوق روس المجانينـي
اضعاف العقول اللي تهبد على مالـون=علـى كـل ملـواحٍ تهـز الجناحينـي
ماتنظف يديهم لو تغسل من الصابـون=كثر ماتقدمها علـى الزيـن والشينـي
« آخـــر الـــمـــشـــاركــــات »
14-Sep-2008, 01:49 AM
سلطان بن وسام الهاجري
العرض العادي
