يانور عيني طالت الايام

[نايف بن ملحق الثعلي]

يانور عيني طالت الايام=والصبر طال وزاد عن حده
ودي بشوفك من زمان العام= وانا احتريك وطالت المده
خليتني تلعبي الاوهام=والحب بلوى نعنبو جده
والله مامثلك في اليمن والشام=ومن الخليج ليا بحر جده
واللي يحب الزين مايلام=كم عاشق(ن) دمعه على خده
ومن كثر ماكتب جفت الاقلام=في وصفك اللي ماقدر اعده
اسهر لحالي والعباد نيام=كم واحد(ن) يسهر ولاوده
بعدك ترى كل الحياه احلام=عز الله اني ما اقبل الصده
لكن تكفى سير الاقدام=عجل علي الارض ممتده
ماباقي في الجسم غير عظام=منهار والاعصاب مشتده
عذبتني واسهرتني ما انام=من شاف زينك بيح بسده
بيت المحبه له ثلاث اعوام=واليوم اشوفك ودك تهده
ارفق بحالي والله العلام=مديت لك لاتجحد المده
ياطير يا اللي فا السماء حوام=وصل سلامي للغضي وده
وان كان وده با الوعد قدام=وقت الرخاء ماهو كما الشده
كم راح فيها فارس(ن) مقدام = سود الليالي عودت ضده
الحب والله مشكله وزيام=ماكل من يعشق على قده
هاذي سنه ماجتني الاعلام=واقف على الشباك والسده
واهني من صلى وحج وصام=مرتاح ماله فا الهوى لده
وسلام مني والسلام ختام=على اللذي مثل القمر خده

التوقيع

ما هوب لازم توقيع00