تعال واصدق معي والصدق روح العتـاب=والحب كفه و نبضـه والشعـور اصبعـه عناد النفيعي

[فيصل المسعودي]

الـــــشـــــاعـــــر/

عـــــنـــــاد الـــــنـــــفـــــيــــعـــــي

ان كان تبغى الحقيقـه ماهقيـت الغيـاب=يستدرجـك ليـن تعـرف دربـه وتتبعـه
كنت اعتقد لو عرض سيفه على كل بـاب=ماهوب قاطعك وانت الـي تبـي تقطعـه
مدري شعوري خطا ولاّ غيابـك صـواب=والا اختصرنا الزمـان وطاحـت الاقنعـه
اكلني الشـك وازريـت اذبـح الارتيـاب=والضيق عيّـا يورينـي طريـق السعـه
في خاطري هرجتين وفي عيونـي جـواب=وصلـت للمستحيـل ولا قـدرت اصنعـه
لا يابعد كل مـن سولـف وودى وجـاب=وين انت تقنع جدل فكر ٍ عجـزت اقنعـه
تعال واصدق معي والصدق روح العتـاب=والحب كفه و نبضـه والشعـور اصبعـه
كمّل جميلك و سلمنـي حـروف الكتـاب=اشرع عليك البحر ولاّ انسحب مااشرعه !؟
وراك علقتنـي بيـن العطـا والـسـراب=احيان اشوفك معي واحيان اشوفـك معـه
قلبي غدى مثل ابو زيد .. وخيالـي ذيـاب=وان مات ابوزيد ..ابن غانم لقى مصرعـه
واثنيهـم يتبعونـك بالجمـل والـزهـاب=وانا على ساقتك واسمع صـداي اسمعـه
ترا غيابك بلـغ عنـدي حـدود النصـاب=اما انته ارجع معي ولاّ انـت كمـل معـه

منقووووول

[السبيــــعي]

ياسلام

صح السان الشاعر عناد النفيعي
وسلمت عالنقل يالغالي

[فيصل المسعودي]

هلابك يالسبيعي

ومشكور على المرور الطيب ياغالي

دام تواصلك

تحياتي

[عبدالرحمن الهيلوم]

صح السان الشاعر عناد النفيعي
وسلمت عالنقل يا بو منيف