إقدع , عسى يقدع على راسك الذيب%في خايع مابه مـن النـاس دوعـي (( ردية مقاشر ))

[فيصل المسعودي]

اترككم مع القصه :

زار ضيدان بن صبحان العجمي

صديقه الشاعر سعد بن عبد الله العجمي

فتأخر عليه في تقديم القهوة والقدوع (( التمر ))

فأراد ضيدان ان يستفز صديقه بهذه الابيات , فقال :

جاك المسير مالقى منـك ترحيـب=لاجبت له قهوه ولا مـن قدوعـي
ياليتنـي دورت غيـرك معازيـب=جيتك جويع ورحت منك بجوعـي
الظاهر انك ماتعـرف المواجيـب=لاشك طبعك يختلف عن طبوعـي
حنا لاجانا الضيف ننفض له الجيب=ونجيب له من كل شكـل ونوعـي

فجاء سعد بالقدوع , وقال غاضبا :

إقدع , عسى يقدع على راسك الذيب=في خايع مابه مـن النـاس دوعـي
متعطـلٍ فـي البـر قبلـي تناقيـب=من ليلة الجمعـة ليـوم الربوعـي
ومروك ناسٍ غايبٍ عنهـم الطيـب=وخلوك وحدك فـي مكـانٍ يروعـي
ثم جـاك ذيـبٍ ماسنونـه بتركيـب=ذيبٍ ولد ذيـبٍ وشـرسٍ قطوعـي
سوى بك سواةٍ على غيـر ترتيـب=يجزع لها قلب الشجـاع البتوعـي

ضيدآآن بن صبحآآن آللزٍيزي آلعجمي

و سعد بن عبدآلله آلهتلآني آلعجمي


شآعرآآن كبيرآآن و من آهم مآ يعرف عنهم هي آلترآدد آلشعري فيمآ بينهم مع آلعلم آنهم صديقين رغـم فآرق آلسن آلكبير بينهم ..


و هذه آلمحآوره آلتي صآرت بينهم في آحد آلمقآهي

بدأ ضيدآن بقوٍله

تطلب لي آلشآهي و تطلب لك حليب=و آنآ على آلحليـب كبـدي ذآيبـه
آنآ آحمد آلله يوم مآ آنت بلي نسيب=يقطـع صبـي مـآ يقـدرٍ شآيبـه

فرٍد عليه سعد آلهتلآني بقولـه

قم آطلب لنفسك ترى مآ آنت بغريب=و لآني بطآلبه لك و لآني بجآيبـه
تبغى آلكفّيآآ يوم طرٍيـت آلمشيـب=و آتعبتني مثـل آلوزيـر و نآيبـه

فقآل ضيدآن

في خوٍة آلطيب آنآ مآلـي نصيـب=و من خوة آلرديآن نفسـي طآيبـه
و قد كآن ظني فيك للعلـه طبيـب=و آلآ ريآآ بهآ مخطي و فيهآ صآيبه

و رد سعد عليه بقوٍله

كلٍ يبـي يرمـي رفيقـه فـي قليـب=و آبليـس نـوٍخ عندنـآ ركآيـبـه
و علمته آلممشى و سبقني في آلخبيب=آلـي علومـه كـل آبيهـآ خآيـبـه

و من آلمعروف عنهمآ رغم هذه آلردود( آلجلفه) آنهم صديقآن و كل منهمآ يعز على آلثآني ..

وسلامتكم


مــــــــــــــــــــــــــــــــــــــــــنقول

[سلام يا هيه]

ردياتهم مشهوره وطريفه ..

ابن صبحان شايب .. وسعد بن عبد الله العجمي شاب .. وجمعتهم الصداقه

وتوفي الشاب سعد بن عبد الله العجمي سنة 1991 مـ ويقال ترك ابن صبحان الشعر والرديات .

شكرا لك على الموضوع الطريف

[صعاط الجن]

ماقصرت يالمسعودي



وبيض الله وجهك وجه من يقراء

[فهد النفيعي]

لاهنت يا فيصل على الموضوع

[ذيب السبايا]

لاهنت يافيصل المسعودي

[مرزوق حمدان العتيبي]

...
. احسنت يافيصل
..
لاهنت على حسن انتقاءك
..
اخوك
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فيصل المسعودي]

هلابكم جميعاً

وشكراً لمروركم الطيب وتواجدكم الجميل

تحياتي

[عبدالله الجـــذع]

الله..

رائعه جدا الدعابات بين الشعراء

الف شكر لك فيصل

محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن المسعودي]

لا هنت موضوع جميل


ومااقصرت يا ولد العم

[فيصل المسعودي]

المشاركة الأصلية كتبت بواسطة عبدالله الجـــذع

الله..

رائعه جدا الدعابات بين الشعراء

الف شكر لك فيصل

محبك
,

هلا بالغالي

فعلاً مثل هذه الأبيات والقصص المرحة فيها شيء من الجمال والروعة

شكراً لك ولمرورك المشرف والمميز

تحياتي