انا ماني بتاجر ولاني برجـل اعمـال%اعانـد زمانـي واتـحـدّاه واذلّــه

[فيصل المسعودي]

السلام عليكم ورحمة الله وبركاته

تعودت أن أقوم بنقل مايعجبني من القصائد

وهذه القصيدة أحد القصائد التي نالت إعجابي

وكلي أمل أن تنال شيء من إعجابكم وتلامس ذوقكم

وهي للشاعر/

سعد بن مناحي بن شفلوت

يقولون وشفيك امتغيّر وحالـك حـال=وانا اقول مايبقى علـى حالـه الاّ الله
زمنّا ياكم غيّـر معالـم وهـد جبـال=وانا مثل من قد عاش والحالـه مقِلّـه
انا ماني بتاجر ولاني برجـل اعمـال=اعانـد زمانـي واتـحـدّاه واذلّــه
مع الناس والدنيا مسافه وانـا رحّـال=وشهريـن منعقـده ويوميـن منحلّـه
مقادير وضروف وهقاوي وقيل وقـال=ووضع ٍ يكدّر صافـي البـال ويعلّـه
تعيـش الاوادم بالمنـاوي وبـالامـال=ولا احد ٍ بيدري ويش وقتـه مزينلّـه
ومن ربّته سود الليالي علـى الغربـال=وقامـت بنـار الهـم تصـلاه وتملّـه
غدت خوّته للحظ الاقشر ونَس وهبـال=مابين الفرج والضيـق يغويـه ويدلّـه
ولا اشين من الدنيا لامالت على الرجّال=لاجل تجبره لقصيّـر الجـدر ولضلّـه
وهو طول عمره يرتكي للزمن لامـال=ويبرك لحمل الوقـت لاثقـل ويشلّـه
يسد اللـزوم وللنشامـا ذرى وظـلال=ويحفظ الجميل ويجمَل ويدمـح الزلّـه
هاذي والله اللي تتلف الرجل حال ومال=وتقلـب حياتـه غـم وتغيّـره كـلّـه

أخوكم

فيصل المسعودي