مطلق الثبيتي وَ شليويح المطيري (( نادره ))

[محب الهيلا]

السلام عليكم ورحمة الله وبركاته


هذه المحاورة من المحاورات القوية التي جرت في وقت سابق بين

علمين من أعلام شعر المحاورة


مطلـق الثبيـتـي ( رحـمـه الله ) وشليـويـح المطـيـري

( أطــال الله فــي عـمـره )




مطلق


يا شليوح المطيري على راسك تحوم
وحده يا ذيب ما انت بسالـم شرهـا
ما ينجيك العصيمي ولو أنـه يقـوم
والكبود السود لازم تموت بحرهـا





شليويح


شايبٍ راسي من الهوش واهواي السهوم
وان بغيت تجرها من زنـودك جرهـا
خابرينك لاوليت العرب ما أنت برحوم
مير مابـه ناقـةٍ تحتلـب مـن درهـا






مطلق


لك ثلاث الليال سهران تنظر بالنجوم
والنجوم بعيد ماهي فلـوس تصرهـا
ما بعدها يا لمطيري يقع فرك الخشوم
يالله الزم بحرها قبـل يغـرق برهـا







شليويح


يوم أحسب احساب ماني بحاسب للرخوم
والضعيف لو يمر العرب مـا ضرهـا
ما عرفنا يالثبيتـي متـى حظـك يقـوم
والخواجـة جـاب دشداشتـه مازرهـا






مطلق


ادعج العينين ما هو من الكحل محروم
مير هات المكحلـة للعيـون وذرهـا
أنت مالك في مشاكل هل المشرق لزوم
وأنت راع الحره اللي شوتك بحرهـا







شليويح


لو يزيد الكحل في عين حانيت الرقوم
ما يضر أعيونها كـل يـوم يسرهـا
وأنت خليت الشلاوى وغازي للبقوم
والشلاوى تكحل العين لـو تمرهـا