ابــــــو الـــــــــجـــــمـــــــيـــــــع ...

[علي صالح الروقي]

السلام عليكم

هذه قصيدة قلتها في سعد بن عبدالله بن محمد الثعلي رجالٍ علومه غانمه و يستاهل اكثر

سر يا قلم و اكتب ترى ما انت معذور=عدّ الحقايق يا قلم لا تبالي
و احذر من المنقود و ابعد عن الزور=سطّر و عبّر و اكتب اللي طرالي
أزكى سلامي عدّ ما شعشع النور=و عداد ما تبدى نجوم الليالي
على اللذي طيبه مع الناس مذكور=مواقفه تشهد له اول و تالي
الطيب دستوره على كل دستور=من طيب راسه يرفع الراس عالي
سعد سعد للي شكى الضيم و الجور=إيورده عدٍ قراحٍ زلالي
يوم انّ بعض الناس منهي و ماّمور=يمناه بالمعروف مضرب مثالي
ابو فهد بيته على العز معمور=و ساسه على الطاله و فيه الظلالي
ابو فهد يمشي له الطيب مجبور=ما حاد عن دربه يمين و شمالي
ابو فهد من دون ربعه كما الصور=حصنٍ حصين و لا يجيه اختلالي
زبن الدخيل اليا تنصّاه مقهور=عسا سعد من هم دنياه سالي
راع الكرم راع الوفا راعي الشور=له حكمة تبهر عقول الرجالي
دكتور بالحكمه و بالعرف دكتور=وهبه وهبها له عزيز الجلالي
يوم ان بعض الناس صاغر و مكبور=ذرّع يمينه و اعتلا للمعالي
من خاصمه لا شك يا خاسر و مدحور=يبطي لك الله ما لقى له مجالي
اهل الوفا ما تعطي العهد و تبور=يبقى الرجل منهم عزيزٍ و غالي
ابو الجميع لقاسي الوقت مذخور=يثبت مثل ما يثبتنّ الجبالي
والله لو امدح عدةّ سنين وشهور=ما اوفيه مهما قلت في كل حالي
لكنّ عسى من جابه لجنّة الحور=ما مات من خلّف خلافه عيالي
عودٍ على الطالات بالطيب مشهور=مواقفه تشهد لماض الفعالي
عزّالله انّه صقر و عياله صقور=دايم مراقيها الجبال الطوالي
و صلاة ربّي عد ما فاحت زهور=على النبي واعد وبل الخيالي

[علي فلاح العضياني]

الله الله صح لسانك


يابو صالح


وابو الجميع معروف ويستاهل الله يحفظه ان شاء الله



تحياتي

التوقيع

(( رأس الحكمه مخافة الله ))

[عبدالله الجـــذع]

صح لسانك يالغالي..
ولافض فوك..

ويستاهل ابو الجميع..

لاتحرمنا من جديدك..

محبك

’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مرزوق حمدان العتيبي]

*·~-.¸¸,.-~*...
.
صح لسانك يابو صالح ....
والممدوح يستاهل ..
..*·~-.¸¸,.-~*

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD