قنيله بين الشاعرين فايز الميموني وغزاي العضياني

[فهيد الشيباني]

حبيت ان انقل لكم هذه المحاوره الرائعه


غزاي العضياني

على شان الرجال اللي تناديني على الميعاد

,,,,,,,,,,,,,,,,,,,,,,, سلام الله عليكم يامطير اهل الشهاميه

نبا ناخذ ونعطي فالمواقف والسيوف حداد

,.,,,,,,,,,,,,,,,,,,,, توقع يالمطيري لاتجي في نارنا الحيه


فايز الميموني

على حسن التعاون نشكرك ياطيب الامجاد
هلا يامرحبا باهل المحانـي والبجاديـه
سيوفك ماتسرك كان وقّف لك ولد عبّـاد
يبا يقلب عليك الطاوله ميتيـن بالميـه


غزاي العضياني

ابا سولف معك واخذك فالمصدار والميراد ========= لوانك في نفود الدبدبه حول النعيريه

انا ماقول فيك قصور مير القوم فالمرصاد========= عسى الله يرزقك تال الزمن غتره وطاقيه



فايزالميموني

انا ماذكرهذيك الدبدبدبه ياجايـب الاعيـاد
تسولف وانت ماعمرك وطيت الدار موليه
لوان القوم بالمرصاد واعلى حالة استعداد
انا بامكاني افاجئك في هجمات عكسيـه


غزاي العضياني

تسوقون المطيه يامطير اللي بدون شداد =========== تبون المرجله والمرجله ماهيب عاريه

ولو لا حبنا لولاة الامر مناصره وحياد ============ طردنا مطير والدوشان من حد السعوديه







تقودون المطيه ياعتابه والرجا ينقـاد
وبعتو لحفكم قدام وقـت المربعانيـه
مدام انكم هل العوجه ماينقدكم ولا نقاد
وحنا مسلمين ونعرف الكتب السماويه


غزاي العضياني

الا ياللي تشيل البندق الهطفاء بدون زناد ============ تبي ترم الهدف فوق البهيته واليمانيه

ابا اقول الحقيقه والحقيقه ترضي الاجواد ============ انا ماني شريطي نعنبوكم يالشريطيه


فايز

على خذها وذقها لعبة الفرّيس وسط الماد
ترى في ساحة الميدان ماش اهداف وهميه

اشوفك تقتبس كلمه لجارالله وابن عياد


وهو مثل الحونشي نعنبوكم يالحونشيه

غزاي العضياني

ترى ايران المسمى ماحكمها الا علي نجّاد ========== رضيتوا مارضيتوا ميّزوا هاذي وهاذيه

انا اشوفك تطمّش مير ابا اعطيك الكلام الحاد ======= ليا منّك تذكرت الثنيه والرشاويه