sأرعدي يالمدلهمه وأمطري فوق القفورs

[النووي]

ارعدي يالمدلهمه وأمطري فوق القفور = باذرين الارض بقلوب الرجال أهل الشكاله
حالة القيعان والله ماتسر من الدهور =تجزع المؤمن ويعذر من دهرها من حلاله
سامعين اللي سمعته يالاصيل ابن النمور = مايلومك يالاصيل الا الكديش ابن الحثاله
جعل رجل(ن) دمه من اللي ذكرته مايفور = يبتليه الله بعقله بالجنون وبالخباله
كل ماقلته صحيح وشي عادي يالصبور = لانفذ صبرك وهزة قوة ايمانك (( مقاله ))
وش يضر الشاذليه والرجاجيل الحبور = (( مابقى رجال فينا ماسمع بالبرتقاله ))
ماجدة نهر الفرات ونهر دجله فالشرور = وبعض تجار العروبه عيشهم بذخ وسهاله
يسرفون بشريهم للبس وغراش العطور = والضعيف يرّقع اثويبه ويخرز في نعاله
والجويع اليابغى حلبت تحاليل العجور = ترمحه واليا دغرها ماقدر فك الشماله
مابقاء به حيل واصلا(ن) لو بيبهلها دمور = ماتثيب احورها لو شفتها ملحا(ن) اجلاله
والمصيبه لويجيها نايدن مناك هور = افشحت ثم احتلبها والجويع يشين فاله
راس ماله عزته وادلاله وقلب(ن) جسور = لو تساق المعضلات لكسرته ميل اعقاله
ماتزعزعه المواقف يونس ابكبده احرور = لاسأل محدن نظر يمه ولا جاوب سواله
والبلاء والله كله من جرابيع الجحور = تحفر ايمن الجبل وعيالها تحفر شماله
امة الاسلام صارت من عثور(ن) في عثور = يالله انك ترفع الاسلام وتقيم العداله
وطالبك يالله (( فيصل )) يوم بعثك والنشور = تلطف ابحاله وتكرم ياللاهي في سباله

منقوووووووول