شالح بن هدلان

[ضاامي وفااا]

السلام عليكم ورحمة الله وبركاته

ساروي لكم اخواني احد قصص وقصائد الشاعر شالح بن هدلان
ــــــــ

عندما مات الفارس ذيب بن شالح بن هدلان من الخنافرة من قبيلة قحطان حزن عليه ابوه حزن شديد لانه كان بار بوالديه وكان فارس قل نظيره 0
وقال فيه عده قصائد منها:




يا ربعنا ياللّي على الفطّرَ الشّيـب"
"عزالله إنـه ضـاع منكـم وداعَـهْ
رحتوا على الطّوعات مثلِ العياسيب"
"وجيت ُوا وخَلّيتوا لقلبـي بضاعَـه
خليتـوا النّـادِرِ بـدارِ الاجَانيـب"
"وضاقت بي الآفاق عقـب اتساعـهْ
تكدرون لي صافيـات المشاريـب"
"وبا لعون شفتَ الذل عقب الشجاعةْ
يا ذيب انا بوصيك لا تأكل الذيـب"
"كم ليلةٍ عشـاك عقـب المجاعـه
كم ليلةٍ عشاك حـرش العراقيـب "
"وكم شيخِ قُومٍ كزتـه لـك ذراعـهْ
كفّه بعدوانـه شنيـع المضاريـب"
"ويس قي عدوه بالوغي سم ساعـة
ويضحَك ليا صكت عليه المغاليـب"
" ويلكد على جميع العدو باندفاعـهْ
وبيتِه لجيرانِه يشيّد علـى الطيـب "
"وللضيف يبنى في طويل الرفاعـهْ
جرحي عطيب ولابقى لي مقاضِيب"
"وافخت حبل الوصل عقب انقطاعهْ
كني بعد فقِدِه بِحامـي اللواهيـب "
"وكني غريب الدار ما لي جماعـهْ
من عقب ذيب الخيل عرج مهاليـب"
"ياهل الرمك ما عاد فيهـن طماعـه
قالو تطيب وفلت وش لون ابا طيب"
"وطلبت من عند الكريـم الشفاعَـهْ




وبقي شالح حزيناً كظيماً يسهر أيامه ولياليه ولا يفارق نار قهوته , وذات ليلة وهو ساهر
مع أحزانه أتاه شخص يسمى الهويدي قد ضاع صقره واخذ يبحث عنه بالليل ويسأل كل من رأى فرد عليه شالح بهذه القصيدة




إن كان تنشد يالهويدي عن الطيـرْ"
"الطير والله يالهويـدي غَـدَ لِـي
طيري عذاب معسكرات المسامير"
"إن حل عنـد اقطِيّهـن الجفالـي
إن جاء نهار فيه شرّ بـلا خيـر"
" وغدا لهن عند الطريح اجتوالِـيْ
إن دبرن خيـل وخيـل مناحيـر"
" وغدن مثل مخزمـات الجمالِـيْ
على الرّمَك صيدهِ عيالٍ مناعيـر"
" وشره على نشر الحَريب الموالِيْ
يضحك ليا صكّت عليه الطوابيـر"
"طير السعد قلبه من الخوف خالِيْ
خيّالنـا وإن عرجـدنّ المظاهِيـر"
" وزيزوم عيرات طُواها الحيالِـيْ
غيثٍ لنا وان جت ليالي المعاسير"
" وبالشح ريفٍ للضعُوف الهزالِيْ
يسْقِي ثَراه من الروايح مزابيـر "
" تمطر على قبر سكن فيه غالِـيْ




ـــــــــــــــــ

وكذالك شالح اول من بكى على حي وهو ولده ذيب
حيث كان ذيب يقدم لأبوه كل يوم لحم صيد (شبب)
وفي يوم من الايام لم يصيد ذيب اي صيد فعقر قعود وطبخه لابوه شالح
سأله شالح قال : ياذيب هذا لحم ويش ؟
رد ذيب قال : شبب يابه
اي انه لايريد تعكير مزاج ابوه ويقول عقرت القعود

فقال ابوه قصيده يبكي فيها ذيب وهو حي قدامه ويقول :




ماذكر به حي بكـى حـي ياذيـب
واليوم انا ببكيـك لـو كنـت حيّـا
وياذيب يبكونك هل الفطّر الشيـب
ان صادفتهـم مثـل خيـل المحيّـا
ويبكيك من صكّت عليـه اللواليـب
ان صاح بأعلى الصوت ياهل الحميّا
انا اشهد انك بيننـا منقـع الطيـب
والطيـب عسـر ٍ مطلبـه ماتهيّـا






وســـــــــــــــــــــلااااامتــــكـــم

[عبدالله الجـــذع]

الله اكبر..

رحم الله شالح بن هدلان..


مشكور يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا