قصيده للشاعر الكبير : رشيد الزلامي @ @0 0 0

[عبدالرحمن الهيلوم]

الله من قلب به النار تشتب 000 هبت وشبت وأستمرت شبوبه
وقلب غدى للهم مارد ومشرب 000 وما ضاع من هم العرب راح صوبه
هم على ربع وهم على غب 000 وباليوم والساعه همومه تلوبه
والله من عين تصب العبر صب 0000 صب القليب اللي تدانج غروبه
يا عبيد انا مانيب ضب ولد ضب 000 يصبر لما يسمع وينفخ ذروبه

انا عتيبي عريب معرب 000 لي ماقف كل الجميع شهدو به
من سب داري قلت له تب ثم تب 000 وارخصت روحي دون داري جلوبه

لوأنسجن من شانها واتعذب 000 أصبرمن شأن الوطن للعقوبه
والسجن ماهو عيب شئ مجرب 0000 تعلم المسجون ماهي ذنوبه

يلومني خبل ألا ماتغرب 000 ينسى الوطن خسروا هله يوم جو به
فيده مع الضفران صفر مكعب 000 وغطيس لذة النوم دوبه
وانا على كل الجنوب اتقلب 000 ماذقت حلو النوم يوم أهتنوا به

واقنب قنيب الذيب في رأس مرقب 000 من حر مابه قام يمهض جنوبه

ويجذبني الغربي عصير الاهيب 0000 ريح الديار الطاهره مع هبوبه
ريحة هواها مكسب وأي مكسب000 عن ماقع نفسي عليه مغصوبة
عسى السحاب اللي مع الصبح نصب 000 ودلاهما ليله وركز انصوبه
يسقي وطن راعي العقال المقصب 000 نجد العزيزه وغرب نجد وجنوبه
ياديرتن ماتقبل الشتم والسب 000 يا منبع الاسلام دار العروبه
يفوز مذهبها على كل مذهب 000 وعلى مقلبت المذاهب عقوبه
تحكم بشرع الله والسيف الآرقب 000 ولاشق فيها طالب الحق ثوبه

الشاعرالكبير : رشيد الزلامي

[فيصل ال جمعه الاسعدي]

صح لساانه



ماقصر والله
يعطيك العافيه يبا ماقصرت

[عبدالله بن دبيس العتيبي]

بسم الله الرحمن الرحيم

السلام عليكم ورحمة الله وبركاتة


الله يعطيك العافية ياعبدالرحمن وصح السان الشاعر رشيد الزلامي

[عبدالرحمن الهيلوم]

شكرا يالغالي علي المرور

[حسن ابن شـامي]

علم بلا جدااااااااال

[عبدالرحمن الهيلوم]

مشكووووووورين علي المرور يالغالين

[محب الهيلا]

مشكور وماقصرت

[عبدالرحمن الهيلوم]

مشكوووووووورين علي المرور يالغالين

[قف امامك عتيبي]

مشكووووووووووووووووووووووووورعلى المرور يالغالي

[عبدالرحمن الهيلوم]

شكرا علي المرور