 |
|
|
 |
 |
 |
12-Jan-2008, 01:00 PM
|
رقم المشاركة : 1 | |||||
|
وصايا لقمانيه
عبد الله اسمع كلمتي يوم أوصيـك اسمع كلامي يا مضنـت فـؤادي
يابوك أنا جودت ساسك وراجيـك خلك فهيـم وذاه غايـة مـرادي حافظ على دينك ترى الموت قافيك والعمر قافيـه الفنـاء والنفـادي والثانية كلمتك ساس الثقـة فيـك احذر يجيء فيهـا نفـاق ودوادي خلك صدوق ليا حكيت بحكاويـك يحبك الصاحب وحتـى الأعـادي الصدق بأمر الله من الظلم ينجيـك والكذب عيب ولا يصير لك زادي والثالثة خطو الرديء لا يخاويـك احذر تخاوي اللي عن الدرب غادي لو هو ضحك لك ثم قال إني اغليك الفاسد يوردك حـوض الفسـادي حتى لو إنه من طوارف عوانيـك قد قالوا إن النـار تخـر رمـادي مجالس العقـال حـذراك تنفيـك احذر تهيم مع الرخـم و الحنـادي والرابعة ضيفك ليا صار ناصيـك قدم لـه الترحيـب و الاجتهـادي قم واجتهد في واجبه مـا يفقريـك تكسب نعم هـذاه علـم وكـادي والبخل ما والله مع الناس يحييـك ترى البخيل بغيض في كـل وادي والخامسة جارك لو إنه غلط فيـك ادمح خطأ جارك ترى الله هـادي ثلاث ثم من بعدهـا لا يماشيـك دور عن بـلاد المقـرد بـلادي لا تشتكي منه أمس واليوم شاكيك والمعركة صارت صباح وهجادي خله وتلقى لك قصيـر يصافيـك يقصر لسانه عنك ويـا الأيـادي والسادسة ربعك عسى الله يهديـك لا تنشقر عنهم وتعطي السنـادي ربعك ذراك اللي عن البرد يدفيـك وهم الظلال ليا بغيـت البـرادي ليا تعبت الربـع شـدو بأياديـك وإن جاك جضله يقدحون الزنـادي والسابعة ترى الشجاعة لأهاليـك خلك شجاع في نهـار الطـرادي والذل قد يوردك حوض التهاليـك قد خاب من يهرب نهار الجهادي والثامنة خل الوفاء مـن مباديـك لا جيت وافي صرت حسن المبادي والتاسعة حقك عن النـاس يغنيـك احفظ حلالك عن ذئـاب عـوادي والظلم لا تظلم عسى الله يعافيـك خلك قنوع ولا تصير اضطهـادي والعاشرة احـذر تعلـم بطاريـك الورع والحرمة وخبـل ربـادي اتكل على ربك تـرى الله واليـكي نجيك في قبـر غشـاه السـوادي وصلاة ربي عد نبـت المساويـك على النبي المصطفى خير هـادي |
|||||
|
 |
 |
 |
|
|
|
|
|
12-Jan-2008, 03:34 PM
|
رقم المشاركة : 2 | |||||
|
مشكور وماقصرت على الحكم يابو داحم
|
|||||
|
|
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض العادي
