هـــيـــكـــل و ديـــــكــــــور

[علي فلاح العضياني]

السلام عليكم ورحمة اله وبركاته



اليكم هذه القصيده اتمنى انت تحوز على اعجابكم

بعض العرب ما غير هيكل و ديكور=و بالمعرفه راسه من العرف خالي
ما يحسن المنطق و لا يحكم الشور=و لا يحل معقدات الحبالي
و المشكله مع كلّ هذاه مغرور= كنّه من احفاد أبو زيد الهلالي
يقول انا فاهم وعاقل و دكتور=وبالعرف والتدبير وصفي لحالي
يالجاهل المغرور تراك معذور =ما للحمول الاّ ظهور الجمالي
تبغا الكباره وانت فالوقت مكبور=مالك ليا جات المواقف مجالي
ليا كبرت القالات ما عاد لك دور =إتسنّع الدعوى ثقات الرجالي
اللي مواقفهم مثل مطلع النور =شعاعه ايبدّد ظلام الليالي
بيت الشرف والعزّ ثابت و معمور= يثبت مثل ما يثبتنّ الجبالي
واللي على مذهب و ملّه و دستور=من حقّه انّه يرفع الراس عالي
واللي ما غير ايختّ و يلف و يدور=ما ينتقلّط مع كرام السبالي
واللي يغطّ النور أو يشهد الزور= جزاه عند الله عزيز الجلالي
جزاه ما يعرض على جنة الحور=النار مثوى من مشا بالضلالي

التوقيع

(( رأس الحكمه مخافة الله ))