اللي ماله اول ماله تالي …بن غيام

[ابن نجد]

الشاعر زيد بن غيام المطيري كان بدويا فهاجر الى المدنية لكن بعد فترة لم يتحمل هذه الحياة فعاد للبداوه مره اخرى وقال هذه القصيدة معبرا عن ان اللي ماله اول ماله تالي ولايمكن لاي شخص ان يخرج عن بيئته التي تربى بها ولو طال الزمن به:

يامل قلبن عذبه كثر الانواع
يبي الطمع مير الطمع يخلف الطوع

والله لولا زرفلة شقح الاقطاع
واقول ابا خذلي مع البدو قرطوع

لاصير في قصر لاروع ولا ارتاع
لاهالك ظامي ولا ميت جوع

مار البلا وان طاح بالصلب رماع
وشدوا له الجبلان مع بينة الشوع

تلقا لهم من عند ابا القد مرماع
ما عبروا بعريفج الشق مقطوع

في مربعن لقـليـقـلانه تمرياع
والرمث يظهر في مثانيه طالوع

في مرتعن وان جاه راع الغنم ضاع
تلقا الجوازى خنس فيه وارتوع

ياحلو هد الطير والنشر منداع
شرق من المجذم شمال من الكوع

واليا حصل طرد الحباري مع القاع
والله ما أغبط اللي يصوع الذهب صوع

وارجو ان تحوز على اعجابكم ، ومزيدا من القصائد
---------------------------------------------------------------
زماننا غير زمانهم وحتى نتذكر الاولين

اخــوكم ابــن نــجـد