اقرب شاعر للأهميه *_*

[خـالد الحافـي]

صباح الخير وعسا الجميع بخير وصحه وسلامه

اللي له شف ومروق وفاضي يتفضل

ياسلام الله سلام (ن) سلما=أستلم يا مستلم ثم سلما
من رقا يرقا ويرقا سلما=الله الوالي ولا غيره ولي

سلام الله سلامن ينصف الداين من الديان=سلامن زفه الحافي وربعي ربعي الهيلا
وانا جّتني هجوسي للشعر والشعر فالميدان=وطبّيته وانا ادور جزيل الصاع والكيلا

البقا للي على الطالة نما****يالحبّيب من زرع زرعه نما
وش علومك هاتها لي يانما****والله الوالي ولا غيره ولي

يدوم إلك البقا يا الشاعر اللي يحكم القيفان
تقوله وأنت شاعر ما جهلت العيب والميلا

نبا ناخذ ونعطي معك وأنته معرب الجدان
ولو تبغا المعالي تاصل الكلبين وسهيلا

آخر تعديل ابن عصيم يوم 19-Jun-2007 في 11:48 PM.

[معجب العتيبي]

صح لسانكم


اخوي ابو عصيم لو خليت كلمة انته=انت مو احلا
وربي ابياتك تفتح النفس ومن اجمل ماقرأت

ولايهون قبيلك

[ذيب الفيااافي]

يا سلاااام


سجلوا متابعتي

[خـالد الحافـي]

الله الله

اسلم اسلم يابن عاصم

مرحبا ترحيبت ( ن ) لك كمبليت=يابن عاصم للسوالف كم بليت
ليتك تولّع بوسط الكنب ليت=والله الوالي ولا غيره ولي

والا يامرحبا بك يابن عاصم والعلوم تبان=و أخذ علمي ولا ودي يجي فالعلم تطويلا
تراها بين سيف وسيف صك(ن) بيننا البيبان=وخل الباب للي قفله يالقرم تقفيلاا

[خيّــال الكحيلـة]

مرحبا ترحيبت ( ن ) لك كمبليت
يابن عاصم للسوالف كـم بليـت
ليتك تولّع بوسـط الكنـب ليـت
والله الوالـي ولا غيـره ولـي



الله الله

خالد والله شقرتها صح


من اروع ماقرأت

متابع لكم ..

يا ابن حافي لا تضيق ابك الصدور
ما علمنا مارد(ن) بعد الصدور
والقـصايـد تــنبنى عجـــز وصدور
والله الــوالي ولا غـيره ولـــي


تــرانا يا العتيبي نفـتخر في ربعــنا العتبـــان
ومن يجرا يجرب حربنا يلــحق به الويلا

أعرف اللي قفلها وأنت خابر شلة الخسران
ومن يرخي لها راسه غدا في هدة السيلا

آخر تعديل ابن عصيم يوم 20-Jun-2007 في 12:01 PM.

[خـالد الحافـي]

المشاركة الأصلية كتبت بواسطة ابن عصيم

يا ابن حافي لا تضيق ابك الصدور
ما علمنا مارد(ن) بعد الصدور
والقـصايـد تــنبنى عجـــز وصدور
والله الــوالي ولا غـيره ولـــي


تــرانا يا العتيبي نفـتخر في ربعــنا العتبـــان
ومن يجرا يجرب حربنا يلــحق به الويلا

أعرف اللي قفلها وأنت خابر شلة الخسران
ومن يرخي لها راسه غدا في هدة السيلا

----------------------------------

أستلم يابن عاصم والمعذره على القصور ..

وياليت لو تكون متابع الليله ...

ماعلمنا غير حين بحين حين=والله أني لك من أ وفا الناصـ حين
السعد دايم حليف الناجــ حين=والله الوالي ولا غيره ولــــي

علامك يالعصيمــي ماتعرف الول والمرجان=تراها فرقها واضح ولا تحتاج تمثيلا
عسى الله يصلح النيه وسيع المغفره منان=نعيش أبعزة انفسنا ولا للعز تبديلا

آخر تعديل خـالد الحافـي يوم 21-Jun-2007 في 11:15 PM.

يا زمان قد مضى هو وين راح
الحمى ما للعرب فيها مراح
من عرف دنياه قفى واستراح
والله الوالي ولا غيره ولي

أنا اللي أشرب الصافي وغيري ما شرب ظميان
جمالك يا ولد حافي سرت في تالي الليلا


عسى الله يغفر الزلة و يعفي عن خطا ونسيان
وريّح يا ولد عمي هلكّ الحط والشيلا

[خـالد الحافـي]

ابن عصيم



صح لسانك طال عمرك ولاهنت ياذيبان كفيت ووفيت

ووافي طال عمرك

اخوك الحافي