حــــــــذرا ؟ (( سعود إليا هزت رواسي جبالك ))

[سعود حاكم]

السلام عليكم ورحمة ألله وبركاته



بسم ألله الرحمن الرحيم




رآآآآآآآس أبن حاكم يشم الهوى


ولجل انه مني وفيني يطيع الشور

لك مدة(ن)ياقلب مازان حالك=خالي من السكان ياقلب خالي
لجل الصحيح اني قصرت لحبالك=خايف حبالك ماتناسب حبالي
خذ مايناسبلك ومالي ومالك=ماني مكلف فيك مالك ومالي
واليوم ياقلبي ترى طاب فالك=ومن طيبتك ياقلب طيّبت فالي
عقب العشيق اللي يناسب مجالك=أصبح مجالك نفس مطلب مجالي
من يوم قلبه بالمشاعر حكالك=بنفس المشاعر والموده حكالي
من عقبها مدري وش اللي جرالك=وأنا بعد مدري وش اللي جرالي
بس الوكاد انه بقلبه صفالك=وأنا بعد بحساس روحه صفالي
واصبح خياله مايفارق خيالك=كونه بعقلي مايفارق خيالي
حافظ على حب(ن)بروحه عنالك=وأنا بعد منسا عشيق(ن) عنالي
عطها من الإحساس صادق دلالك=حنين تستاهل مشاعر دلالي
طمن حبيبك لا تقاطع ارسالك=ارسلها مادام ياصل ارسالي
وكان الإجابه ماتغيّر سؤالك=إجابتك صعبه تغيّر سؤالي
تيماء واهلها شارقه في زوالك=من طيب اهلها ماتغيّب زوالي
راحتك تكمل دامهم في اقبالك=ويافرحت عيوني لاصاروا اقبالي
اللي سكنبك يعتبر من حلالك=ومن عادتي محفوظ دايم حلالي
لاتفّرط بطيشك مكاسب ريالك=ومن المستحيل يضيع مني ريالي
خله معك دايم بروحك وبالك=وانا على قلبي وعيني وبالي
مدام ان سعود بقلبه سرالك=من طبعي استقبل حبيب(ن) سرالي
سعود إليا هزت رواسي جبالك=سود الليالي ماتهز بجبالي

تحياته
سعود حاكم الجهني