حسبي الله يا صغير- للشاعر: محمد القثامي

[@عريب الساس@]

حسبي الله يا صغير- للشاعر: محمد القثامي



أنت ياللي كل مالدّيت فيك تصدْ عنّي = والله انّه مابقلبك ياملوّعني مروّه


حسبي الله كان ودِّك ياصغيّر تمتحنّي = وانت عودك يارقيق العود عودٍ(ن) غَضْ توّه


كيف تاخذني على حدّ الظليمه والتجني = وانت ماتدري وش اللي يجرحِ رْجال الحموّه

والله انَّّ اللي بلاني بالغرامُ وْبك فتنّي = شيٍّ(ن) ليا شفت زولك يشتعل بالصدر ضوّه


يجريِ بْدمّي واذا شحّيْت في وصلك طعني = طعنةٍ ماكنها الا طعنة رجال الفتوّه


وِانْ بغيت اصبر يثور الجرح والخافق يونّي = كنْ بين الجرح والونّه مع الايام
خوّه


وِانْ بغيتَ اسير صوبك عنك خطواتي حدنّي = عادتي ماتْبَعْ سحابٍ مقفيٍ (ن) واخيل نوّه


لين ضعتِ بْحيرتي والهم فيني مستكنّي = تايهُ وْنار المودّه بالحشا تزداد قوّه


وانت ياحلم السنينُ ويابعد كل التمنّي = دام قلبي في يمينك سوّْ مايرضيك سوّه


سوّ مايشبع فضولك بس لاصدّيت عنّي = خلّ في قلبك دخيلك ياملوعني مروّه

[((الدلبحي))]

اخوي عريب الساس
يعطيك العافيه على القصيده الرائعه وتسلم يمناك والشاعر مخلد القثامي عرف بميوله
الى الغزل وهو مشهور وشاعر كبير لايسعني الا ان اشكرك على هذا الاختيار الموفق
تقبل تحياتي:
((الدلبحي))

[@عريب الساس@]

اخوي الدلبحي

شكرا لك على كلامك الطيب وحسن ذوقك لكن الشاعر اسمه محمد القثامي وليس

مخلد القثامي


وتقبل تحياتي \\\\\\\\\\\\\

اخوك @عريب الساس@


|153|