من اجمل قيصيد مرير الحبيل

[صعاط الجن]

السلام عليكم ورحمة الله وبركاتة

هذه القصيده لـلشاعر مرير الحـبـيـل الحمادي العتيبي
قالها في احدى الفتيات التي كانت تتحدث على جهاز الكنود . المهم الرجال الظاهر انه نصحها كم مره لكن ماعطته وجه .. وسمع مرة صوت ولدها عندها .. وعرف انها متزوجه

يابنت قلبك يفعل العيب ما حـس****وان ما هداه الله عسى الله يخسـه

يكفي غزل للناس ياخاينـه بـس****خلي حلالك قفـر لأحـد يعسـه

أبليس لك يابنت في الشر وسوس**** تعـوذي بالله لعـلـه يخـسـه

الستر له ثوب من العـز يلبـس**** وجسم الشرف ما كل رجل يجسه

عار ونار مذهب البنـت يلمـس****وعرض المره ادناة شيء يهسـه

يابنت عرضك بالمجالس يدنـس****حدر النصايب جعل ربعك تدسه

ولا جايك الا مثل ما قيل واخس****واللي شرفها غالـي مـا نمسـه

ياورع ياللي عندها بان لك حس****قلبك على امك يوم خانتك نسـه

امك تغازل من ورى ابوك بالدس****والله مـن رجـل تلـذذ بحسـه

قله تراخي الحبل يحتاج له مـس****وعلم لأبوك الحبـل لازم يمسـه

ولا يشيـل العارلاعـاد يجلـس**** في وسط بيت عاش ما فيه هسـه

قله يجوز عن النجس لا يتنجـس**** ثم يقلعـه ياليـن يقلـع مرسـه

ولا تلحقونه من حسايف ليا طس****عسى العمى في نون عينه يطسه

وسلامتكم