لميس .. وسنوات الضياع !!

[طارق النفيعي]

أحبتي أنقــل لكم قصيــده .. أعجبتني لـ الشاعر الرائع/ محمد بن دخيل الله القثامي ..

أترككم مع هذه الرائــعــه ..

العذر منّا يابن سينا وصّلـه لابـن النّفيـس=حنّـا تغيّرنـا وغيّـرنـا بَـعـد ملبوسـنـا
من عقب ماكنّا ندوّر صافـي الـدر النفيـس=ونارد على عدّ الـروى وسراجنـا فانوسنـا
اليوم صارت شاشة التلفاز هي نِعْم الجليـس=نجلس لهـا ماهمّنـا مهمـا يطـول جلوسنـا
ومنها تعلّمنا نقلّـد موضـة الغـرب البئيـس=وصرنا نطقّس بالطقوس اللي مهي بطقوسنـا
وضاعت قيَمْنا واعتلا في سوقنا سعر البخيس=لو كان ماهي في مناهجنا وضمـن دروسنـا
واكبر دليل انَا عرب وِمْن الخميس ليا الخميس=مع بث شاشات الفضا قمنـا ندربـي روسنـا
عميان في طرد الهوى ونْتابع مسلسل لميـس=تركيّـةٍ لفتـة هَدَبْهـا أثّــرت بِنْفوسـنـا
تحكي عنِ سْنين الضياع وتندب الحظ التعيس=وقمنا نقطّع روس اصابعنـا بشفـرة موسنـا
مدري متى نصحى من الغفلات والحلم الكبيس=اللي رياحـه بعثرتنـا واعْصفـت بغْروسنـا
لكن على الله تَنْصَلِح ونْعُـود للـدر النفيـس=ونْعيـد مجـدٍ لاتذكّرْنـاه نـرفـع روسـنـا

أخوكم / طارق النفيعي

التوقيع

أخوكم : طارق النفيعي

[صالح الدعجاني]

صح لسانك
مشكور

[خلف القثامي]

صح لســـــان الشاعر / محمد دخيل القثامي



وسلمت ياطارق ع الاختيار الرائع


وصدق شاعرنا القدير الوقت تغير وصارت النااااس مع سنووات الضياع


ضايعين



ودمت مبدع وحاضر

ا

[طارق النفيعي]

ربك يعين

ولو أني ما عمري شفت هالمسلسل لاكن أشوف العالم

طايحه فيه متابعه ..

شكرا للتواصل والله لا يهينكم

أخوكم / طارق النفيعي

[النخيــــــش]

صح الله السان

الشاعر



عزاله انه صادق ماذبحنا كود لميس والله يعين

خخخ

ومشكور ياطارق على القصيده

[عبدالله المهيدلي]

بيض الله وجهك

وصح لسان قايل القصيدة

[طارق النفيعي]

مشكورين على التواصل والرد ..

[حمـد المقاطي]

صح لسان الشاعر

ويعطيك العافيه

يا طارق

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[طارق النفيعي]

الله يعافيك ويسلمك ..
وشكرا لتواصلك

[ذيب النفود]

عميان في طرد الهوى ونْتابع مسلسل لميـس=تركيّـةٍ لفتـة هَدَبْهـا أثّــرت بِنْفوسـنـا
تحكي عنِ سْنين الضياع وتندب الحظ التعيس=وقمنا نقطّع روس اصابعنـا بشفـرة موسنـا
مدري متى نصحى من الغفلات والحلم الكبيس=اللي رياحـه بعثرتنـا واعْصفـت بغْروسنـا
لكن على الله تَنْصَلِح ونْعُـود للـدر النفيـس=ونْعيـد مجـدٍ لاتذكّرْنـاه نـرفـع روسـنـا

صح لسانه على هالرائعة وشكراً لك ياطارق على الموضوع الرائع