أحذر تصدقهن ولو بايعنك ............!!!!!!!!!!!!!

[الهوك..........]

	ياعنك ما للبيض لو عاهدنك = ذمة ولا فيهن جمالة ولا طيب أحذر تصدقهن ولو بايعنك = وخلك مركزهن على الشك والريب ان جيت بدروب الوفا ضيعنك = ولا تثمر علوم الوفا فالرعابيب وان جيت تبغى سترهن فضحّنك = بين الرجال أهل السيوف المعاطيب وان جيت تبغى عزهن ذللنك = وفي شرعهن ما يحسبن العواقيب وان جيت بعلوم الكرم خسرنك = تفلس وهن باقي وراهن مطاليب وان جيت صاحي عندهن جننك = واصبحت في جر العوى تغلب الذيب وان جيت مخلص في هواهن رمنك = ودقن على راسك سواة المناسيب وان جيت بالمعروف مخلص وظنك = إنه يبين في عيون الخراعيب راحت معاريفك سدى وانكرنك = وحطن على كبدك سواة اللواهيب وان جيتهن صابر حليم احتدنك = ورنك الحسرة وجابن لق الشيب وان جيتهن راعي حقوق اجحدنك = وراحت حقوقك في يدين اللواعيب وان جيتهن باغي حنان احرمنك = تسري وهن ما قدمن المواجيب وان جيت طالب قربهن بعدنك = وكزن يدينك لا تنوش التلابيب وان جيتهن ضامي هوى ما سقنك = صدن وحطن في طريقك عراقيب واليا نقلت علومهن فشلنك = عند الرجال معكفين الأشانيب واليا مشيت بشورهن بهذلنك = ومن رايهن دارت عليك الدواليب وان جيتهن قاسي طباع أكرمنك = واليا لفيت يكثرن التراحيب واليا رويت السالفة صدقنك = وان غبت لجلك يرسلن المناديب واليا وطيت ارقابهن سلمنك = واصبحت مثل الضيف عند المعازيب واليا كسرت عيونهن عشقنك = ترسي وتصفيلك جميع المشاريب لا تحسبن البيض يستاهلنك = يا مدح يا معروف يا شكر يا طيب المدح لرجالً تقف لا غزنك = غبر المصايب والسنين المجاديب والشكر لعيال ٍ تجي لا وطنك = سود الليالي بالحصا والمشاعيب والطيب للي يأخذ الحمل عنك = يبرك ويشتال الحمول المصاعيب