اليوم ماعاد تمسك قلبي اضلاعي

[نواف بن منصور]

الناس ناموا وطراد الهوا واعي=يسهر بجنب الجهاز ويسمع مذيعه
لاصاروا الناس مسط الليل هجاعي=يطري للراع الهوا لذة قراطيعه
يامل قلب من الهاجوس ينزاعي=تزويع حر نسا الراعي وتطبيعه
من قبل كان(ن) خمالي واخفي انواعي=ومجود برقعه عن مرقب الضيعه
واليوم ماعاد تمسك قلبي اضلاعي=تقطعت في يدي جملت مصاريعه
القلب من كبر جور الحب جزاعي=والعين في ماأقتضى سلطانه مطيعه
من سبة اللي يخضب عشر الاصباعي=اللي نظام الهوا من حدر توقيعه
اللي حكمني وسيف الحب قطاعي=يامر عليه وانا من حبه اطيعه
لو ان خلي للحكم الشرع خضاعي=كان اسحبه للنظام ومجلس الهيعه
واحاكمه عند قلب منه يرتاعي=يقبل علاجه ويضمن لي بتسريعه
لكن لطف الحشا ما يقبل الداعي=ولا يمتثل للنظام ولا مشاريعه
والله لو ان الهوا يشرا وينباعي=لاجيب قسمي بوسط السوق وابيعه
بيعت معيف خلص من كل الاطماعي=ماعاد له بالطمع شريه ولا بيعه

القصيده من شريط للشاعر وغير كامله فيه ارجو ممن يعرف كمالتها يكملها وله جزيل الشكر